Read Time:1 Minute, 45 Second
(ފޮޓޯ ކްރެޑިޓްސް: އިމޭޖާސް އެމްވީ)
ހިއުންޑާއި ގޯލްޑަން ފުޓްސަލް ޗެލެންޖް 2026 ފޯރިއާއެކު ފެށިގެން ކުރިއަށްދާއިރު، މުބާރާތުގެ ފުރަތަމަ ދުވަހު ވަނީ 12 މެޗެއް ކުޅެފައެވެ. ހދ. އަތޮޅުގެ ގްރޫޕް މެޗުތަކުން ނައިވާދޫ، ނެއްލައިދޫ، ހަނިމާދޫ އަދި ނޮޅިވަރަންފަރު ވަނީ މޮޅުވެފައެވެ. ނައިވާދޫ މޮޅުވި ނަމަވެސް، އެޓީމުގެ މުހިއްމު ބައެއް ކުޅުންތެރިން ޤައުމީ ޓީމަށް ނެގުމާއި އަނިޔާގެ ސަބަބުން މިވަގުތު ތިބީ ކުޅުމާ ދުރުގައެވެ.
ހއ. އަތޮޅުގެ މެޗުތަކުން ދިއްދޫ، މާރަންދޫ، ކެލާ އަދި ފިއްލަދޫ މޮޅުވިއިރު، ގދ. އަތޮޅުން މަޑަވެލި ވަނީ މޮޅުވެފައެވެ. ނަމަވެސް ފިޔޯރީ އާއި ރަތަފަންދޫ ބައްދަލުކުރި މެޗު ނިމުނީ އެއްވަރުވެގެންނެވެ. އައްޑޫ ސިޓީގެ މެޗުތަކަށް ބަލާއިރު، މަރަދޫ މޮޅުވިއިރު ހުޅުދޫ އާއި މީދޫގެ މެޗު ނިމުނީ އެއްވަރުވެގެންނެވެ. ޖުމްލަ 119 ޓީމު ބައިވެރިވާ މި މުބާރާތުގެ މެޗުތައް އަންނަ މަހުގެ 14 ވަނަ ދުވަހުގެ ނިޔަލަށް ކުރިއަށްދާނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0