Read Time:2 Minute, 45 Second
(ފޮޓޯ ކްރެޑިޓްސް: އެމްއެސްއޭ)
ނިމިދިޔަ 2025 ވަނަ އަހަރަކީ ރާއްޖޭގެ ރާޅާއެޅުމުގެ ދާއިރާއަށް ބޮޑެތި ކުރިއެރުންތަކެއް ލިބުނު އަހަރެކެވެ. މޯލްޑިވްސް ސާފިން އެސޯސިއޭޝަނުން ފާހަގަކުރާ ގޮތުގައި، އޭޝިއާ ސަރަހައްދުގައި ރާއްޖޭގެ އެތުލީޓުންގެ ފެންވަރު މިހާރު ވަނީ ވަރަށް ބޮޑަށް ރަނގަޅުވެފައެވެ. މިދިޔަ އަހަރުގެ އެންމެ ފާހަގަކޮށްލެވޭ ކާމިޔާބީއަކީ ރާއްޖޭގެ އަންހެން ރާޅާއެޅުންތެރިން ފުރަތަމަ ފަހަރަށް އޭޝިއަން ގޭމްސްއަށް ކޮލިފައިވުމާއި، އޭޝިއަން ސާފިން ޗެމްޕިއަންޝިޕްގެ ޖޫނިއާ ކެޓަގަރީން ރާއްޖެއަށް ލޯ މެޑަލް ލިބުމެވެ.
(ފޮޓޯ ކްރެޑިޓްސް: ކުޅިވަރާއިބެހޭ ވުޒާރާ)
މީގެ އިތުރުން، ގްރާސްރޫޓް ލެވެލްގައި މި ކުޅިވަރު ފަތުރާލުމަށް ކުރެވުނު މަސައްކަތުގެ ތެރެއިން، ގައުމީ ޖޫނިއާ ސާފިން ޗެމްޕިއަންޝިޕްގައި އަންހެން ކެޓަގަރީ އަލަށް ހިމަނައި ގިނަ ރަށްތަކަކުން ކުދިން ބައިވެރިވިއެވެ. ސަރުކާރުން އެތުލީޓުންގެ މުސާރަ ބޮޑުކޮށްދިނުމާއި، އަންހެން އެތުލީޓުންނަށް މުސާރަދޭން ފެށުމުގެ އިތުރުން، ކުޅިވަރުގެ ތެރޭގައި ލިބޭ އަނިޔާތަކަށް ފަރުވާ ހޯދުމަށް އައު އިންޝުއަރެންސް ސްކީމެއް ތައާރަފްކުރުމަކީ ރާޅާއެޅުންތެރިންނަށް ލިބުނު ބޮޑު ހިތްވަރެކެވެ. ކުރިއަށް އޮތް އޭޝިއަން ގޭމްސްއަށް ތައްޔާރުވުމަށް ޖަޕާނުގައި ތަމްރީނު ހެދުމުގެ ފުރުސަތު ހޯދައިދިނުމަށާއި، މާލޭގައި ސާފިން ސްޓޭޑިއަމެއް ގާއިމުކުރުމަށް ކުރެވޭ މަސައްކަތާއެކު، މިއަހަރަކީވެސް ރާއްޖޭގެ ރާޅާއެޅުމަށް އުންމީދީ އަހަރެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0