Read Time:2 Minute, 15 Second
(ފޮޓޯ ކްރެޑިޓްސް: ރައީސް އޮފީސް)
ކުދި އަދި މެދު ފަންތީގެ ވިޔަފާރިތަކަށް ދިމާވާ ގޮންޖެހުންތަކަށް ހައްލު ހޯއްދަވައިދެއްވުމުގައި، ރައީސް ޑރ. މުޢިއްޒު ފަދަ ނަތީޖާ ނެރެދެއްވާ ވެރިއަކު މީގެ ކުރިން ވަޑައިނުގަންނަވާ ކަމަށް އިޤްތިޞާދީ ވަޒީރު މުޙައްމަދު ސަޢީދު ވިދާޅުވެއްޖެއެވެ. “ތަރުޖަމާނު ޕޮޑްކާސްޓް” ގައި ވާހަކަދައްކަވަމުން ވަޒީރު ފާހަގަކުރެއްވި ގޮތުގައި، ވިޔަފާރިވެރިންގެ ކަންބޮޑުވުންތައް ސީދާ ރައީސް އަޑުއައްސަވައި، އެކަންކަން ހައްލުކުރުމަށް ދައުލަތުގެ އިދާރާތަކަށް ވަނީ ހަރުދަނާ އިރުޝާދުތަކެއް ދެއްވާފައެވެ.
މިގޮތުން ގެނެވުނު ބަދަލުތަކުގެ ތެރޭގައި، ބަނދަރުތަކުން ޚިދުމަތްދޭ ވަގުތު އިތުރުކުރުމާއި، މުދަލަށް ޑެމަރޭޖް ނާރާ ވަގުތު 5 ދުވަހަށް އިތުރުކުރުން ހިމެނެއެވެ. އަދި ފައިސާ ނުލިބި ހުރި ކުންފުނިތަކަށް މާލީ ވުޒާރާއާއި މީރާ މެދުވެރިކޮށް ހައްލު ހޯދައިދިނުމުގެ މަސައްކަތް ކުރަމުންދާކަން ވަޒީރު ފާހަގަކުރެއްވިއެވެ. މިއަހަރާއި އަންނަ އަހަރަކީ ކުދި ވިޔަފާރިތަކަށް ފަހި މާހައުލެއް ބިނާކޮށް، އިޤްތިޞާދީ ހަރަކާތްތެރިކަން އިތުރުކުރުމަށް ސަރުކާރުން އެންމެ ބޮޑު އިސްކަމެއް ދޭނެ ދުވަސްވަރު ކަމަށްވެސް ވަޒީރު ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0