Read Time:2 Minute, 45 Second
ޒަކާތުގެ ނިޒާމަކީ އިސްލާމީ ފިޤުހުގެ އަލީގައި މުޖުތަމަޢުން ފަޤީރުކަން ނައްތާލައި، ފުދުންތެރިކަން އިތުރުކުރުމަށްޓަކައި ދައުލަތުން ހިންގާ ހަރުދަނާ ނިޒާމެކެވެ. ރާއްޖޭގައި ޒަމާނުއްސުރެ ޒަކާތް ނަގައި ބަހަމުން ދިޔަ ނަމަވެސް، މި ނިޒާމު އިތުރަށް ހަރުދަނާކުރުމަށްޓަކައި މި މަހުގެ ފުރަތަމަ ދުވަހުން ފެށިގެން ވަނީ “ޒަކާތުގެ ޤާނޫނު” އަށް ޢަމަލުކުރަން ފަށާފައެވެ.
މި ޤާނޫނުގެ މައިގަނޑު މަޤްޞަދަކީ ޒަކާތުގެ ކަންކަމަށް ޤާނޫނީ އޮނިގަނޑެއް އެކުލަވާލައި، ޒަކާތް ދެއްކުން ލާޒިމުވާ ފަރާތްތަކާއި ބޭނުންކުރަންޖެހޭ ގޮތްތައް ސާފުކޮށް ކަނޑައެޅުމެވެ. ޤާނޫނުގެ ދަށުން މުދަލު ޒަކާތް ބަހަންޖެހޭ އަށް ބަޔަކު ކަނޑައަޅާފައިވާއިރު، ޒަކާތުގެ ގޮތުގައި ލިބޭ ފައިސާ އަމާނާތްތެރިކަމާއެކު ބެލެހެއްޓުމަށާއި، ޝަރުޢީ ހަމަތަކުގެ މަތިން އިންވެސްޓްކޮށް ފައިދާ ހޯދުމަށް “ޒަކާތު ފަންޑު” ވަނީ އުފައްދާފައެވެ. މީގެ އިތުރުން، މުދަލު ޒަކާތުގެ ގޮތުގައި ދައްކާ ފައިސާއަކީ އާމްދަނީން ޓެކްސް ދައްކާއިރު އުނިކުރެވޭނެ އެއްޗެއްގެ ގޮތުގައި ވަނީ ހަމަޖައްސާފައެވެ.
މި ޤާނޫނާ ޚިލާފުވާ ފަރާތްތަކަށާއި، ދޮގު މަޢުލޫމާތު ދީގެން ޒަކާތުގެ ފައިސާ ހޯދާ ފަރާތްތަކަށް ބޮޑެތި ޖޫރިމަނާތަކެއް ކަނޑައަޅާފައިވެއެވެ. ފާއިތުވި ދެ އަހަރަކީ ރާއްޖޭގައި އެންމެ ގިނައިން ޒަކާތުގެ ފައިސާ ލިބުނު އަހަރުތަކަށް ވާއިރު، މި އައު ޤާނޫނާއެކު ރާއްޖޭގެ ޒަކާތުގެ ނިޒާމު އިތުރަށް ހަރުދަނާވެ، އެހެން ޤައުމުތަކަށް ނަމޫނާއަކަށް ވެގެންދާނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0