Read Time:2 Minute, 9 Second
(ފޮޓޯ ކްރެޑިޓްސް: އެމްއޭސީއެލް)
ރާއްޖެއަށް ދިމާވެފައިވާ ބޯހިޔާވަހިކަމުގެ މައްސަލައަށް ދާއިމީ ހައްލެއް ހޯދައިދެއްވުމަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުގެ އެންމެ އިސް އަމާޒެވެ. މި އަމާޒު ހާސިލުކުރުމަށްޓަކައި “ރަސްމާލެ” ނަމުގައި ފުށިދިއްގަރު ފަޅުން 1,009 ހެކްޓަރުގެ ބިން ހިއްކުމުގެ ބިޔަ މަޝްރޫޢު ވަނީ ފަށާފައެވެ. މިއީ ރާއްޖޭގެ ތާރީޚުގައިވެސް ހިންގާ ބޯހިޔާވަހިކަމުގެ އެންމެ ބޮޑު މަޝްރޫޢު ކަމަށްވާއިރު، މީގެ ދަށުން 65,000 އަށްވުރެ ގިނަ ގެދޮރުވެރިކަމުގެ ފުރުޞަތު ފަހިވާނެއެވެ.
ބިން ހިއްކުމުގެ މަސައްކަތް ހަލުވިކުރުމަށް ދުނިޔޭގެ އެންމެ ބޮޑު އެއް ޑްރެޖަރު ބޭނުންކުރަމުންދާއިރު، މިހާތަނަށް 215 ހެކްޓަރަށްވުރެ ބޮޑު ސަރަޙައްދެއް ވަނީ ހިއްކާ ނިންމާފައެވެ. ސަރުކާރުގެ އަމާޒަކީ އަންނަ އޭޕްރީލް މަހުގެ ނިޔަލަށް މުޅި ބިން ހިއްކައި ނިންމާލުމެވެ. މީގެ އިތުރުން، މި މަޝްރޫޢުގެ ދަށުން ދޫކުރުމަށް ހަމަޖެހިފައިވާ 25,000 ގޯތީގެ ތެރެއިން 15,000 ގޯއްޗަށް ކުރިމަތިލުމަށް މި މަހު ހުޅުވާލާނެއެވެ. ރަސްމާލެ ތަރައްޤީ ކުރަނީ ތިމާވެއްޓާ ރައްޓެހި “ޒީރޯ ކާބަން” އިކޯ ސިޓީއެއްގެ ގޮތުގައެވެ.
Happy
0 %
Sad
0 %
Excited
100 %
Sleepy
0 %
Angry
0 %
Surprise
0 %
1
0