Read Time:3 Minute, 5 Second
ސިއްޙީ ވަޒީރު ޢަބްދުﷲ ނާޘިމް އިބްރާހީމް ވިދާޅުވެފައިވަނީ މިފެށޭ އަހަރަކީ ސިއްޙީ ދާއިރާއިން ގިނަ މަސައްކަތްތަކެއް ތަންފީޒުކުރަން ފަށާނެ އަހަރެއްކަމަށެވެ. އެންސްޕާއިން ފަށާ މުހިންމު ޕްރޮގްރާމްތައް އިފްތިތާޙްކުރުމުގެ ރަސްމިއްޔާތުގައި ވާހަކަފުޅު ދައްކަވަމުން، ވަޒީރު ފާހަގަކުރެއްވީ ރާއްޖޭގެ އެންމެ ބޮޑު އިޖުތިމާޢީ ރައްކާތެރިކަމުގެ ޕްރޮގްރާމަކީ އެންސްޕާ އަދި އާސަންދައިން ދޭ ޚިދުމަތްތައްކަމަށެވެ.
ވަޒީރު ވިދާޅުވީ ރައީސް ޑރ. މުޙައްމަދު މުޢިއްޒު ރައްޔިތުންގެ ކަންބޮޑުވުންތަކަށް ހައްލު ހޯއްދަވައިދެއްވަމުން ގެންދަވާކަމަށާއި، މިއަދު ތަޢާރަފްކުރާ ކަންކަމުން ރައްޔިތުންގެ ސިއްޙީ ޚިދުމަތް ފުޅާކޮށް ލުއިފަސޭހަކުރުމަށް ސަރުކާރުން ގެންގުޅުއްވާ ސިޔާސަތުތައް ތަންފީޒުވަމުންދާކަމުގެ ހެކި ފެންނަކަމަށެވެ. ސަރުކާރުގެ ސިއްޙީ ސިޔާސަތުގެ މައިގަނޑު ދެ އަސާސަކީ އެންމެންނަށް ސިއްޙީ ފަރުވާ ކަށަވަރުކޮށްދިނުމާއި އެންމެ ބޭނުންވާ މީހާއަށް ފަރުވާ ލިބޭނެކަން ކަށަވަރުކޮށްދިނުންކަމަށް ވަޒީރު ވިދާޅުވިއެވެ.
އިތުރަށް ވަޒީރު ފާހަގަކުރެއްވީ ކޮންމެ ރައްޔިތަކުވެސް އައު އަހަރަށް އައު އުންމީދެއް ކަނޑައަޅާއިރު ސަރުކާރުންވެސް އައު އަޒުމްތަކެއް ކަނޑައަޅަމުންދާކަމަށެވެ. ދުޅަހެޔޮ މުޖުތަމަޢުއެއް ބިނާކުރުމަށްޓަކައި ސިއްޙީ ޚިދުމަތް ތަރައްޤީކުރުމާއި ސޯޝަލް ޕްރޮޓެކްޝަންގެ ޚިދުމަތްތައް ފުޅާކުރުމުގެ ސިޔާސަތު ސަރުކާރުން ގެންގުެންގުޅޭކަމަށާއި، ބަލިތަކުން ރައްކާތެރިވުމަށް ޤާނޫނީ އިމުގެ ތެރެއިންނާއި އިޖުތިމާޢީ މިންގަނޑުގެ ތެރެއިން ހަރުދަނާ މަސައްކަތްތަކެއް ކުރަމުންދާކަމަށްވެސް ވަޒީރު ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0