Read Time:2 Minute, 11 Second
(ފޮޓޯ ކްރެޑިޓްސް: އިސްލާމީ ކަންތައްތަކާބެހޭ މިނިސްޓްރީ)
ޒަކާތުގެ ޤާނޫނާއެކު މުދަލު ޒަކާތް ބަލައިގަތުމުގެ މަސައްކަތް މީރާއަށް ހަވާލުކޮށްފިއެވެ. މި އެއްބަސްވުމުގައި އިސްލާމީ ކަންތައްތަކާބެހޭ ވަޒީރު ޑރ. ޝަހީމް އަލީ ސަޢީދާއި މީރާގެ ކޮމިޝަނަރ ހަސަން ޒަރީރު ސޮއިކުރެއްވިއެވެ. ވަޒީރު ފާހަގަކުރެއްވި ގޮތުގައި ރާއްޖޭގައި ފުރަތަމަ ފަހަރަށް ޒަކާތާބެހޭ ޤާނޫނު ތަންފީޒުކުރަން ފަށާއިރު، ޒަކާތު ކައުންސިލްގައި މީރާ ތަމްސީލުކުރުމުގެ ފުރުޞަތު ލިބިގެންދާނެއެވެ.
މީރާއިން 2016 އިން ފެށިގެން ޒަކާތް ބަލައިގަތުމުގެ މަސައްކަތް ކުރަމުން އައިސްފައިވާއިރު، އޭގެ ކުރިން މި މަސައްކަތް ބަލަހައްޓަމުން ދިޔައީ އިސްލާމީ ކަންތައްތަކާބެހޭ ވުޒާރާއިންނާއި އިސްލާމީ ކަންތައްތަކާބެހޭ މަތީ މަޖިލީހުންނެވެ. ކޮމިޝަނަރ ޒަރީރު ވިދާޅުވީ ޒަކާތުގެ ކަންކަން ހަރުދަނާކުރުމަށް މަސައްކަތްކުރާނެ ކަމަށާއި، ޑިޖިޓަލައިޒޭޝަންގެ ތެރެއިން ކޮންމެ ތަނަކުން ކޮންމެ ވަގުތެއްގައި ފައިސާ ދެއްކޭނެ ފަދަ ފުރުޞަތުތައް ޤާއިމްކުރެވޭނެ ކަމަށެވެ. ޒަކާތުގެ ފުރަތަމަ ޤާނޫނު ރައީސުލްޖުމްހޫރިއްޔާ ތަސްދީޤުކުރެއްވީ މި މަހުގެ 6 ވަނަ ދުވަހުއެވެ.
Happy
0 %
Sad
100 %
Excited
0 %
Sleepy
0 %
Angry
0 %
Surprise
0 %
0
0