Read Time:2 Minute, 59 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ރައީސުލްޖުމްހޫރިއްޔާގެ ނައިބު އަލްއުސްތާޛު ޙުސެއިން މުޙައްމަދު ލަތީފް ވިދާޅުވީ، ރާއްޖޭގެ އިޖުތިމާޢީ ފޭރާން ވަރުގަދަކޮށް ދުޅަހެޔޮ މުޖުތަމަޢެއް ބިނާކުރުމަށް ދިވެހިރާއްޖޭގެ އަޑަކީ މުހިއްމު ބައިވެރިއެއް ކަމަށެވެ. އެމަނިކުފާނު މިހެން ވިދާޅުވީ ދިވެހިރާއްޖޭގެ އަޑުގެ 63 ވަނަ އަހަރީ ދުވަހާއި ގުޅިގެން ކުރިއަށް ގެންދިޔަ “ބާއްޖަވެރި ހެނދުނެއް” ޕްރޮގްރާމްގައި ވާހަކަފުޅު ދައްކަވަމުންނެވެ.
ނައިބު ރައީސް ވިދާޅުވީ، ވޭތުވެދިޔަ 63 އަހަރު ދިވެހިރާއްޖޭގެ އަޑުން ޤައުމީ ޚިދުމަތެއް ފޯރުކޮށްދީފައިވާ ކަމަށާއި، ޤައުމުގެ އިޖުތިމާޢީ ފޭރާން ހަރުދަނާކޮށް، ރައްޔިތުންގެ ދުޅަހެޔޮކަން ކަށަވަރު ކުރުމަށް މުހިއްމު މަސައްކަތްތަކެއް ކުރައްވާފައިވާ ކަމަށެވެ. އެގޮތުން ތެދު ޚަބަރާއި މަޢުލޫމާތު ގެނެސްދިނުމަށް މަސައްކަތް ކުރެއްވި ހުރިހާ ވެރިންނާއި މުވައްޒަފުންނަށް ވަނީ ޝުކުރު އަދާކުރައްވާފައެވެ. ރޭޑީއޯއާއެކު އޮތް އެންމެ ހިތްގައިމު ހަނދާނެއްގެ ގޮތުގައި ނައިބު ރައީސް ފާހަގަކުރެއްވީ، ރޭޑީއޯ މެދުވެރިކޮށް ގެނެސްދެމުން ދިޔަ ފުޓުބޯޅަ ކޮމެންޓްރީގެ ތެރެއިން ފުޓުބޯޅައަށް ޖެހުނު ލޯތްބެވެ.
ދިވެހިރާއްޖޭގެ އަޑުގެ ކުރިމަގާ މެދު ކުރައްވާ އުއްމީދެއްގެ ގޮތުގައި އެމަނިކުފާނު ވިދާޅުވީ، ޒަމާނުއްސުރެ އަޑުން ގެނެސްދެއްވި މަޢުލޫމާތާއި، މުނިފޫހިފިލުވުމުގެ ޕްރޮގްރާމްތަކާއި، އިހުގެ ސަޤާފީ ކަންކަން ޒަމާނީ ޓެކްނޮލޮޖީއާއި ޑިޖިޓަލް ޕްލެޓްފޯމެއްގެ ތެރެއިން ރައްޔިތުންނާއި ހަމައަށް ގެނެސްދެވޭ ދުވަހެއް ދެކެވަޑައިގަންނަވަން ބޭނުންފުޅުވާ ކަމަށެވެ.
Happy
0 %
Sad
0 %
Excited
50 %
Sleepy
0 %
Angry
50 %
Surprise
0 %
0
0