Read Time:2 Minute, 38 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ފަތުރުވެރިކަމާ ބެހޭ ވުޒާރާގެ ތަފާސްހިސާބުތަކުން ދައްކާ ގޮތުގައި، މިހާރު ކޮންމެ ދުވަހަކު އެވްރެޖްކޮށް 7000އަށްވުރެ ގިނަ ފަތުރުވެރިން ރާއްޖެއަށް އާދެއެވެ. މިމަހުގެ 28 ވަނަ ދުވަހާ ހަމައަށް ޖުމްލަ 2.2 މިލިޔަން ފަތުރުވެރިން ރާއްޖެއަށް ޒިޔާރަތްކޮށްފައިވާއިރު، މިއީ މިދިޔަ އަހަރުގެ މި މުއްދަތާ އަޅާބަލާއިރު %9.9ގެ ކުރިއެރުމެކެވެ. ޚާއްސަކޮށް، ފަތުރުވެރިކަމުގެ ޕީކް ސީޒަން ފެށިފައިވާ މި ދުވަސްވަރު، މިދިޔަ ހޮނިހިރާއި އާދީއްތަ ދުވަހު 9000އަށްވުރެ ގިނަ ފަތުރުވެރިން ރާއްޖެއަށް އައިސްފައިވެއެވެ. މިމަހު މިހާތަނަށް 2 ލައްކައަށްވުރެ ގިނަ ފަތުރުވެރިން ރާއްޖެއަށް ޒިޔާރަތްކޮށްފައިވާއިރު، މިއީ މިދިޔަ އަހަރުގެ ޑިސެންބަރުމަހާ އަޅާބަލާއިރު %8.2 އިތުރު އަދަދެކެވެ.
ފަތުރުވެރިން އެންމެ ގިނައިން އަންނަ ގައުމުތަކުގެ ތެރެއިން އެއްވަނައިގައި އޮތީ ޗައިނާއެވެ. ޗައިނާއިން 3 ލައްކައަށްވުރެ ގިނަ ފަތުރުވެރިން ރާއްޖެއަށް އައިސްފައިވާއިރު، ދެވަނަ އާއި ތިންވަނައިގައި އޮތް ރަޝިޔާއާއި އިނގިރޭސިވިލާތުންވެސް 2 ލައްކައަށްވުރެ ގިނަ ފަތުރުވެރިން ރާއްޖެއަށް ޒިޔާރަތްކޮށްފައިވެއެވެ. މި އަހަރު 2 މިލިޔަން ފަތުރުވެރިން ހަމަވީ މިދިޔަ މަހުގެ 27 ވަނަ ދުވަހުއެވެ. މިއީ މިދިޔަ އަހަރު ޑިސެންބަރު 26 ވަނަ ދުވަހު 2 މިލިޔަން ފަތުރުވެރިން ހަމަވުމާ އަޅާބަލާއިރު، އެއް މަސްދުވަހު ކުރިން މި އަދަދު ހަމަވުމެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0