Read Time:2 Minute, 43 Second
(ފޮޓޯ ކްރެޑިޓްސް: މަސްވެރިކަމާއިބެހޭ ވުޒާރާ)
މަސްވެރިކަމާއި ކަނޑުގެ ވަސީލަތްތަކާ ބެހޭ ވަޒީރު އަޙްމަދު ޝިޔާމް ވިދާޅުވީ، މި ސަރުކާރުގެ ދައުރު ނިމޭއިރު މަސްވެރިކަމުން ލިބޭ ޢާމްދަނީ ދެގުނަ ވެގެންދާނެ ކަމަށެވެ. މީގެ ކުރިން މަސްވެރިކަމުގެ ސިނާއަތަށް ދިމާވެފައިވާ ގޮންޖެހުންތައް ހައްލުކޮށް، ރާއްޖޭގައި ބާނާ މަސް އަގު އެއްކޮށްގެން ބޭރުކުރުމަށް އެކަށީގެންވާ މަސައްކަތެއް ކުރެވިފައި ނުވާކަން ވަޒީރު ފާހަގަކުރެއްވިއެވެ. 40 އަހަރެއްގެ ތެރޭގައި ޤާއިމުކުރެވިފައިވަނީ ފެލިވަރުގައި ހުރި 50 ޓަނުގެ އެންމެ ފެކްޓްރީއެއްކަމަށް ވެސް ވަޒީރު ވިދާޅުވިއެވެ. މި ސަރުކާރުން މަސައްކަތްކުރަނީ ރާއްޖޭގައި ބޭރުކުރެވޭ ހުރިހާ ބާވަތެއްގެ މަސް އަގު އެއްކޮށްގެން ބޭރުކުރުމަށެވެ.
މިހާރު 50 ޓަނުގައި ހުރި މަސް އެގުއެޑުކުރާ ކެޕޭސިޓީ 300 ޓަނަށް އިތުރުކުރަމުންދާ ކަމަށާއި، މި މަސައްކަތްތަކުގެ ބޮޑުބައެއް 2026 ވަނަ އަހަރު ފެނިގެންދާނެ ކަމަށް ވެސް ވަޒީރު ވިދާޅުވިއެވެ. އަހަރަކު މަސްވެރިކަމުން ލިބޭ 92 މިލިއަން ޑޮލަރު، މި 5 އަހަރު ދައުރުގެ ތެރޭގައި 270 ނުވަތަ 280 މިލިއަން ޑޮލަރަށް އިތުރުކުރުމަކީ އަމާޒެއް ކަމަށާއި، އެކަމަށް އަންނަ އަހަރު ފަހި ބަޖެޓެއް ކަނޑައަޅާފައިވާ ކަމަށް ވަޒީރު ވިދާޅުވިއެވެ. 2026 ވަނަ އަހަރުގެ ނިޔަލަށް މިހާރު ފަށާފައިވާ ކޯލްޑް ސްޓޯރޭޖްތަކުގެ ބޮޑުބައެއް ނިންމާލައި، ބައެއް ކޯލްޑް ސްޓޯރޭޖްތައް އޮޕަރޭޝަނަށް ގެނައުމަކީ ވެސް އަމާޒެއް ކަމަށް ވަޒީރު ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0