Read Time:1 Minute, 56 Second
ރާސް މޯލްޑިވްސް ކުންފުނިން ޗޮކްލެޓް ސިރަޕް ފުޅިތަކެއްގައި ފޮރުވައިގެން ރާއްޖެއަށް މަސްތުވާތަކެތި އެތެރެކުރަން އުޅުނު މައްސަލައެއްގައި އެ ކުންފުނީގެ ވެރިޔާ، ގދ. ތިނަދޫ، މުހައްމަދު އާދިލް، 57، ހައްޔަރުކޮށްފިއެވެ. ކަސްޓަމްސްއިން މިދިޔަ ބުރާސްފަތި ދުވަހުގެ ރޭ އަތުލައިގަތް މި ހަޝިޝް އޮއިލްގެ ބަރުދަނަކީ 40 ކިލޯއަށް ވުރެ ގިނައެވެ. އޭގެ މަގުމަތީގެ އަގު 30 މިލިއަން ރުފިޔާއަށް ވުރެ އިތުރެވެ.
އެމްއެސްއީއެސް ޑޫރާ ބޯޓުން ގެނައި 10 ފޮށިގަނޑެއްގައި ބަންދުކޮށްގެން އެތެރެކުރަން އުޅުނު މިތަކެތި ރާސް މޯލްޑިވްސްގެ ނަމުގައި ގެނެސްފައިވާއިރު، އާދިލް ހައްޔަރުކުރީ މުދާ ކްލިއާ ކުރުމަށް އެހެން މީހަކު ދާނެ ކަމަށް ކަސްޓަމްސްއަށް އަންގާފައިވާއިރު، މުޖުތަމައުގެ ސަލާމަތަށް ނުރައްކަލެއް ކުރިމަތިވެދާނެތީއާއި ހެކި ނައްތާލާފާނެ ކަމުގެ ތުހުމަތުގައެވެ. އާދިލްއަކީ 16 އަހަރު ކުރިން ރަޖިސްޓަރީކުރި މި ކުންފުނީގެ މެނޭޖިން ޑިރެކްޓަރެވެ. ފުލުހުން މި މައްސަލައިގެ ތަފްސީލް މިހާތަނަށް ހާމައެއް ނުކުރެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0