ބިދޭސީން ހިންގާ 56 ވިޔަފާރިއެއް ބަންދުކޮށްފި

Read Time:3 Minute, 37 Second

(ފޮޓޯ ކްރެޑިޓްސް: އިމިގްރޭޝަން)

ޤަވާއިދާއި ޚިލާފަށް ބިދޭސީން ކުރާ ވިޔަފާރިތައް ހުއްޓުވުމަށް އިޤްތިޞާދީ ވުޒާރާއިން ކުރަމުންދާ މަސައްކަތުގެ ތެރެއިން މިހާތަނަށް ބިދޭސީން ހިންގާ 56 ވިޔަފާރިއެއް ބަންދުކޮށްފައިވާކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެވެ. ރައީސް މިހެން ވިދާޅުވީ ހުޅުމާލެ ފޭސް 1 ގެ ރައްޔިތުންނާއި ބައްދަލުކުރުމަށް ބޭއްވި ރަސްމިއްޔާތުގައި ވާހަކަފުޅުދައްކަވަމުންނެއެވެ. ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވީ ނުޤަވައިދުން ވިޔަފާރިކުރާ ބިދޭސީންގެ މައްސަލައަކީ ބޮޑުވެފައިވާ މައްސަލައެއްކަމަށެވެ. މިކަމަކީ އާންމު ރައްޔިތުންގެވެސް ބޮޑު ކަންބޮޑުވުމެއްކަމަށް ރައީސް ވިދާޅުވިއެވެ. މިކަމަށް ޚާއްސަ އިސްކަމެއްދީގެން މިދިޔަ 3 ހަފުތާތެރޭ 56 ވިޔަފާރިއެއް ބަންދުކޮށްފައިވާކަން ރައީސް ފާހަގަކުރެއްވިއެވެ.

“އިތުރަށްވެސް ވަރަށް ގިނަ ކަންކަން އެބަކުރެވޭ، މިގެންދަނީ ރައްޔިތުންގެ ވިންދާ އިހުސާސާއެއްގޮތަށް ކަންކަން ރަނގަޅުކުރުމަށް މިދަނީ ފިޔަވަޅުތައް އަޅަމުން، ރައްޔިތުންގެ އެކްސްޕެކްޓޭޝަނާ އެއްވަރަށް ކަންކަން ރަނގަޅުކުރަމަށް މަސައްކަތްކުރަމުން މިދަނީ.” ރައީސް ވިދާޅުވިއެވެ.

ބިދޭސީން ޤަވާއިދާ ޚިލާފަށް ފުޅާދާއިރާއެއްގައި ވިޔަފާރި ކުރަމުންދާ މައްސަލަ ޙައްލު ކުރުމަށް، “ނެޝަނަލް ޓާސްކްފޯރސް އޮން ކޮމްބެޓިންގ އިލީގަލް އެކްސްޕެޓްރިއޭޓް އޮޕަރޭޝަންސް އެންޑް ބިޒްނަސަސް”ގެ ނަމުގައި ޚާއްޞަ ޓާސްކްފޯހެއް ވަނީ އެކުލަވާލާފައެވެ. މިއީ، އިޤްތިޞާދީ ތަރައްޤީއާއި ވިޔަފާރިއާއި ބެހޭ ވުޒާރާއާއި، ދާޚިލީ ސަލާމަތާއި ފަންނިއްޔާތާއި ބެހޭ ވުޒާރާ އަދި ސަރުކާރުގެ ތަންފީޒީ އިދާރާތައް ކަމުގައިވާ ދިވެހި ފުލުހުންގެ ޚިދުމަތާއި މޯލްޑިވްސް އިމިގްރޭޝަން ހިމެނޭ ގޮތަށް އެކުލަވާފައިވާ ޓާސްކް ފޯހެކެވެ. މި ޓާސްކްފޯހުން ދަނީ، ރާއްޖޭގައި ޤަވާއިދާ ޚިލާފަށް ހިންގަމުންދާ ކަމަށް ބެލެވޭ ވިޔަފާރިތައް ބަލައި ފަސްކުރަމުންނެވެ.