Read Time:2 Minute, 21 Second
(ފޮޓޯ ކްްރެޑިޓްސް: ޕީއެސްއެމް ނިއުސް)
މާޒިޔާ ސްޕޯޓްސް އެންޑް ރެކްރިއޭޝަން ޓީމުން ދިވެހި ޕްރިމިއާ ލީގުގައި އެންމެ ފަހުން ޓީސީ ސްޕޯޓްސް ކުލަބާ ދެކޮޅަށް ކުޅުނު މެޗުން މޮޅު ނުވެވުނީ، ކުޅުންތެރިން ފަރުވާ ކުޑަކޮށްލައި، މެޗު ފަސޭހަކޮށްލުމުގެ ސަބަބުން ކަމަށް އެ ކުލަބުގެ ކޯޗު ލުއިސްމާ ހެނާންޑޭޒް ބުނެފިއެވެ. ކޮންމެ މެޗަކީ އައު ގޭމެއް ކަމަށް ދެކި، ފަސޭހަކޮށްނުލާ ޒިންމާދާރުކަމާއެކު ކުޅެންޖެހޭކަން އޭނާ ފާހަގަކުރިއެވެ.
މީގެ އިތުރުން، ޓީސީ މެޗުގައި އަހުމަދު އައިހަމް އާއި ސާޖިއޯ މެންޑީ ފަދަ މުހިންމު ބައެއް ކުޅުންތެރިން ބެންޗުގައި ތިބުމަކީ ވެސް މޮޅު ނުވެވުނު ސަބަބެއް ކަމަށް ކޯޗު ބުންޏެވެ. މާޒިޔާއަކީ ރާއްޖޭގެ ފުޓުބޯޅަ ކުރިއެރުވުމަށް މަސައްކަތްކުރާ ކުލަބެއް ކަމަށް ވާތީ، މިއަށްވުރެ ބޮޑަށް ޒިންމާދާރުވާންޖެހޭ ކަމަށާއި، މޮޅުވަމުން އައިސް ފަސޭހަކޮށްލުމުގެ މެންޓާލިޓީ ބަދަލުކުރަންޖެހޭ ކަމަށް ވެސް ހެނާންޑޭޒް ވަނީ ބުނެފައެވެ. ކުރިއަށް އޮތް ވެލެންސިއާ މެޗަށް ރަނގަޅަށް ތައްޔާރުވެ، އެ ޓީމުގެ ކުޅުން އެނަލައިޒްކުރުމުގެ މުހިންމުކަން އޭނާ ފާހަގަކުރިއެވެ. ނަމަވެސް، ލީގުގައި މިހާ ހިސާބަށް އެއްވެސް މެޗަކުން ބަލިނުވެ އާދެވުމުން ޖުމުލަކޮށް ޓީމުގެ ކުޅުމާމެދު ހިތްހަމަޖެހޭކަމަށް ކޯޗު ބުންޏެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0