Read Time:2 Minute, 23 Second
(ފޮޓޯ ކްރެޑިޓްސް: އެމްއޭސީއެލް)
މިދިޔަ ނޮވެންބަރު މަހުގެ 11 ވަނަ ދުވަހާ ހަމައަށް، އެއާޕޯޓް ޑިވެލޮޕްމަންޓް ފީ (ADF) އަދި ޑިޕާޗަރ ޓެކްސްގެ ގޮތުގައި ދައުލަތަށް ޖުމްލަ 3.5 ބިލިއަން ރުފިޔާ ލިބިފައިވާ ކަމަށް ފިނޭންސް މިނިސްޓްރީގެ ތަފާސްހިސާބުތަކުން ދައްކައިފިއެވެ. މިއީ މިދިޔަ އަހަރުގެ މި މުއްދަތާއި އަޅާބަލާއިރު 75 އިންސައްތައިގެ ކުރިއެރުމެކެވެ. އެއާޕޯޓް ޑިވެލޮޕްމަންޓް ފީގެ ގޮތުގައި 1.8 ބިލިއަން ރުފިޔާ ލިބިފައިވާއިރު، މިދިޔަ އަހަރުގެ 1 ބިލިއަން ރުފިޔާއާ އަޅާބަލާއިރު މިއީ 64 އިންސައްތައިގެ ކުރިއެރުމެކެވެ. ޑިޕާޗަރ ޓެކްސްގެ ގޮތުގައި 1.7 ބިލިއަން ރުފިޔާ ލިބިފައިވާއިރު، މިދިޔަ އަހަރުގެ 1 ބިލިއަން ރުފިޔާއާ އަޅާބަލާއިރު މިއީ 66 އިންސައްތައިގެ ކުރިއެރުމެކެވެ.
މި ދެ ފީ ނަގަނީ ދިވެހިރާއްޖެއިން ބޭރަށް ފުރާ ފަސިންޖަރުންގެ އަތުންނެވެ. ޑިޕާޗަރ ޓެކްސްއިން އިސްތިސްނާވާ ފަރާތްތަކުގެ ތެރޭގައި ޑިޕްލޮމެޓިކް އިމިއުނިޓީ ލިބިފައިވާ ފަރާތްތަކާއި ޓްރާންސިޓް ފަސިންޖަރުންނާއި، އުމުރުން ދެ އަހަރު ނުވާ ކުޑަކުދިން ހިމެނެއެވެ. އެއާޕޯޓް ޑިވެލޮޕްމަންޓް ފީއިން އިސްތިސްނާވާ ފަރާތްތަކުގެ ތެރޭގައި ޑިޕްލޮމެޓިކް އިމިއުނިޓީ ލިބިފައިވާ ފަރާތްތަކާއި، ޑައިރެކްޓް ޓްރާންސިޓް ފަސިންޖަރުން ހިމެނެއެވެ.
Happy
0 %
Sad
0 %
Excited
0 %
Sleepy
100 %
Angry
0 %
Surprise
0 %
0
0