Read Time:2 Minute, 47 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ފަތުރުވެރިކަމާ ބެހޭ ވުޒާރާގެ ތަފާސްހިސާބުތަކުން ދައްކާގޮތުން މިއަހަރު މިހާތަނަށް ރާއްޖޭގެ ފަތުރުވެރިކަމުގެ ދާއިރާއަށް 3،800 އަށްވުރެ ގިނަ އެނދު އިތުރުވެފައިވާއިރު، ޖުމްލަ އެނދުގެ އަދަދު މިވަނީ 67،053 އަށް އަރާފައެވެ. މިދިޔަ އަހަރު ނިމުނުއިރު ފަތުރުވެރިކަމަށް 63,248 އެނދު ހުއްޓެވެ.
މިގޮތުން އެންމެ ގިނައިން އެނދު އިތުރުވެފައިވަނީ ގެސްޓްހައުސް ވިޔަފާރިތަކަށެވެ. މިއަހަރުގެ މިހާތަނަށް ގެސްޓްހައުސްތަކުގެ އަދަދު 929 އިން 960 އަށް އިތުރުވެ، ޖުމްލަ 16،610 އެނދު މިހާރު ހިމެނެއެވެ. އަދި މިއަހަރު 6 ރިސޯޓު ހުޅުވިފައިވާއިރު، މިހާރު 178 ރިސޯޓު އަންނަނީ ހިންގަމުންނެވެ. މިކަމުގެ ސަބަބުން ރިސޯޓުތަކުގެ އެނދުގެ އަދަދުވެސް ވަނީ އިތުރުވެފައެވެ. މީގެ ތެރޭގައި މެންޑަރިން އޮރިއެންޓަލް މޯލްޑިވްސް، ބަލްގަރީ ރިސޯޓް މޯލްޑިވްސް، ޒަމާނީ އައިލެންޑް، ކޮރިންތިއާ މޯލްޑިވްސް އަދި ނަލަ މޯލްޑިވްސް ހިމެނެއެވެ. މީގެ އިތުރުން 167 ސަފާރީއަކުން 3,322 އެނދާއި، 16 ހޮޓަލަކުން 2,598 އެނދު ވަނީ ފަތުރުވެރިކަމަށް އިތުރުކުރެވިފައެވެ.
ފަތުރުވެރިކަމަށް އެނދު އިތުރުވުމާއެކު ރާއްޖެއަށް އަންނަ ފަތުރުވެރިންގެ އަދަދުވެސް ވަނީ ކުރިއަރާފައެވެ. މިއަހަރުގެ މިހާތަނަށް 2,127,705 ފަތުރުވެރިން ރާއްޖެއަށް ޒިޔާރަތްކޮށްފައިވާއިރު، މިއީ މިދިޔަ އަހަރުގެ މި މުއްދަތާއި އަޅާބަލާއިރު 10 އިންސައްތަ އިތުރު އަދަދެކެވެ. ސަރުކާރުގެ އަމާޒަކީ މިއަހަރު 2.3 މިލިޔަން ފަތުރުވެރިން ރާއްޖެއަށް ގެނައުމެވެ.
Happy
0 %
Sad
0 %
Excited
100 %
Sleepy
0 %
Angry
0 %
Surprise
0 %
0
0