Read Time:2 Minute, 34 Second
މާފަރު އިންޓަރނޭޝަނަލް އެއަރޕޯޓުގެ އޭޕްރަންއަށް އިތުރުކުރި ބައި ހުޅުވައި، ދެ ފަންގިފިލާގެ ޓަރމިނަލް ޢިމާރާތެއް ތަރައްޤީ ކުރުމުގެ ބިންގާ ވަނީ އަޅާފައެވެ. މި އިތުރުކުރި ބަޔާއެކު މިހާރު އެއަރޕޯޓުގައި އެއްފަހަރާ 35 އެއަރ ކްރާފްޓު ޕާކު ކުރެވޭނެއެވެ. އައިލެންޑް އޭވިއޭޝަން ސަރވިސްގެ ބެލުމުގެ ދަށުން ހިންގާ މި އެއަރޕޯޓުގައި، މި އަހަރުގެ ފަތުރުވެރިކަމުގެ ހައި ސީޒަނާ ދިމާކޮށް މި މަސައްކަތްތައް ކުރިއަށްގެންދަނީއެވެ.
ޗައިނާ ކުންފުންޏަކާ ހަވާލުކޮށްގެން ތަރައްޤީކުރާ އައު ޓަރމިނަލް އިމާރާތަކީ 12000 އަކަފޫޓުގެ ބޮޑު އިމާރާތެކެވެ. މި އިމާރާތާއެކު ލައުންޖުތަކާއި އޮފީސްތައް އިތުރަށް ފުރިހަމަވެ، ޚިދުމަތްތައް ފުޅާވެގެންދާނެއެވެ. އައިލެންޑް އެވިއޭޝަން ސަރވިސްގެ ޑެޕިއުޓީ މެނޭޖިންގ ޑިރެކްޓަރ ޢަލީ ސަލީމް ވިދާޅުވި ގޮތުގައި، މި މަޝްރޫޢަކީ ނ.އަތޮޅާއި ރާއްޖޭގެ އިޤްތިޞާދަށް މަންފާކުރާނެ މަޝްރޫޢެކެވެ. މިހާރު އެންމެ ބޮޑެތި ބޯޓުތައް ޖެއްސޭ ފެންވަރުގެ ރަންވޭއެއް އޮންނައިރު، ޚިދުމަތް ފުޅާކުރުމަށް ޓަރމިނަލް ބޮޑުކުރަންޖެހޭކަން އޭނާ ފާހަގަކުރެއްވިއެވެ. އައު ޓަރމިނަލްގެ މަސައްކަތް ކުރިއަށް އޮތް 10 މަސް ދުވަހުގެ ތެރޭގައި ނިންމުމަށް ވަނީ ހަމަޖެހިފައެވެ. މާފަރު އިންޓަރނޭޝަނަލް އެއަރޕޯޓަކީ ރާއްޖޭގައި ދެވަނައަށް އެންމެ ގިނަ ބައިނަލްއަޤުވާމީ އެއަރލައިންތަކަށް ޚިދުމަތްދެމުންދާ އެއަރޕޯޓެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0