Read Time:2 Minute, 53 Second
(ފޮޓޯ ކްރެޑިޓްސް: މިހާރު)
ސިވިލް ކޯޓުން ކިންގްސް ކެޕިޓަލް ކުންފުންޏާއި އޭގެ ހިއްސާދާރުން ކަމަށްވާ އަލްހާން ފަހުމީ އަދި އޭނާގެ ކޮއްކޮ ޝަހުބާން ފަހުމީގެ މައްޗަށް 587,466ރ. ދައްކަން ހުކުމް ކޮށްފި އެވެ. މި ހުކުމް ކޮށްފައިވަނީ، އެ ކުންފުނިން ހިންގި ސްކީމެއްގައި ބައިވެރިވެ، އިންވެސްޓްކުރި ފައިސާއާއި ލިބެންޖެހޭ ފައިދާ ނުލިބިގެން ދައުވާކުރި ފަރާތަކަށް ބަދަލު ދިނުމަށެވެ. އެ މީހުން ކޯޓަށް ހާޒިރުނުވުމުން ހުކުމް އިއްވީ ޣައިރު ހާޒިރުގަ އެވެ.
ކިންގްސް ކެޕިޓަލްއާ ގުޅިގެން މީގެ ކުރިން އަލްހާނާއި އެ ކުންފުނީގެ ޑިރެކްޓަރުންގެ މައްޗަށް ޖިނާއީ ތަހުގީގެއް ހިންގައި، ފައިސާ ލޯންޑާކުރުމާއި އޮޅުވައިލުމުގެ 13 ދައުވާއެއް ކްރިމިނަލް ކޯޓަށް ހުށަހެޅުނެވެ. ނަމަވެސް ގެއްލުން ލިބުނު ފަރާތްތަކަށް ބަދަލު ދައްކާ، އެ މީހުން ދައުވާ ކުރިއަށް ގެންދަން ބޭނުންނުވާ ކަމަށް ބުނުމުން، ޕްރޮސެކިއުޓާ ޖެނެރަލް އޮފީހުން ވަނީ އެ ދައުވާތައް އަނބުރާ ގެންގޮސްފަ އެވެ.
ފުލުހުންގެ ތަހުގީގަށް އެނގުނު ގޮތުގައި، ކިންގްސް ކެޕިޓަލް ހޯލްޑިންގްސްއިން އޮންލައިން ޓްރޭޑިންގެ ނަމުގައި 1,864 މީހެއްގެ އަތުން 98 މިލިއަނަށް ވުރެ ގިނަ ރުފިޔާ ނަގައިފައިވެ އެވެ. އޭގެ ތެރެއިން 65 މިލިއަނަށް ވުރެ ގިނަ ރުފިޔާ އަދިވެސް ނުދެއްކި އެބަހުއްޓެވެ. މި ފައިސާގެ ތެރެއިން ބައެއް ކްރިޕްޓޯ ކަރަންސީ މުއާމަލާތްތަކަށް ބޭނުންކޮށްފައިވާއިރު، އަނެއް ބައި ކުންފުނީގެ ހިއްސާދާރުންގެ އަމިއްލަ އެކައުންޓްތަކަށް ޖަމާކޮށް އަމިއްލަ ކަންކަމަށް ބޭނުންކޮށްފައިވާކަން ވެސް ތަހުގީގަށް ވަނީ ހާމަވެފަ އެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0