Read Time:2 Minute, 41 Second
(ފޮޓޯ ކްރެޑިޓްސް: ރަައީސް އޮފީސް)
ބާނި ސެންޓަރ ފޮރ އިންޓަނޭޝަނަލް ޕޮލިސީން ހެދި ސާވޭއަކުން ދައްކާ ގޮތުގައި، ރައީސް ޑރ. މުހައްމަދު މުއިއްޒުގެ މަސައްކަތްޕުޅާ މެދު 62 ޕަސެންޓް މީހުން ހިތްހަމަޖެހެ އެވެ. މިދިޔަ މަހުގެ 23 އިން މި މަހުގެ އެކެއްގެ ނިޔަލަށް ކުރި މި ސާވޭގައި، ވޯޓުލާ އުމުރުގެ 391 މީހުންނާ ފޯނުން ސުވާލުކޮށްފައި ވެއެވެ. ނަތީޖާއިން އެނގޭ ގޮތުގައި 21 ޕަސެންޓް މީހުން ރައީސްގެ މަސައްކަތާ މެދު “ވަރަށް ބޮޑަށް ހިތްހަމަޖެހޭ” ކަމަށް ބުނެފައިވާއިރު، 41 ޕަސެންޓް މީހުން ވަނީ “ހިތްހަމަޖެހޭ” ކަމަށް ބުނެފަ އެވެ. ރައީސްގެ މަސައްކަތްޕުޅާ މެދު ހިތްހަމަނުޖެހޭ ކަމަށް 38 ޕަސެންޓް މީހުން ބުނެފައިވާއިރު، އެ މަނިކުފާނަށް ލިބިފައިވަނީ 24+ ނެޓް އެޕްރޫވަލް ރޭޓިންއެކެވެ.
Baani’s latest poll finds strong support for President Muizzu, with 62% of Maldivian voters approving of his performance midway through his first term, giving him a net approval rating of +24 points. pic.twitter.com/Ii9GDp2vJ5
— Baani (@Baani_Centre) December 18, 2025
ސާވޭގެ ނަތީޖާތަކުން ފާހަގަވާ ގޮތުގައި، ފިރިހެނުންނަށް ވުރެ އަންހެނުންގެ ތެރޭގައި ރައީސް މުއިއްޒަށް އޮތް ތާއީދު ބޮޑެވެ. އަންހެނުންގެ 64 ޕަސެންޓް މީހުން ހިތްހަމަޖެހޭ ކަމަށް ބުނެފައިވާއިރު، ފިރިހެނުންގެ ތާއީދު ވަނީ 60 ޕަސެންޓުގަ އެވެ. އުމުރުފުރާ އަށް ބަލާއިރު، 55 އަހަރަށް ވުރެ ދޮށީ މީހުންގެ 67 ޕަސެންޓް ތާއީދު ރައީސަށް ލިބިފައިވާއިރު، 18-24 އަހަރާ ދެމެދުގެ ޒުވާނުންގެ ތާއީދު ހުރީ 50 ޕަސެންޓުގަ އެވެ. މި ސާވޭގެ މާޖިން އޮފް އެރާ އަކީ ފަސް ޕަސެންޓު އަދި ކޮންފިޑެންސް ލެވެލްއަކީ 95 ޕަސެންޓެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0