Read Time:3 Minute, 23 Second
ރައީސުލްޖުމްހޫރިއްޔާގެ އިރުޝާދާއެކު، ދަންވަރު މަގުމަތީގައި އުޅޭ ބިދޭސީން ހުއްޓުވައި ޤާނޫނީ ފިޔަވަޅު އެޅުމުގެ މަސައްކަތް ފުލުހުން ފަށައިފިއެވެ. މި މަސައްކަތް ފެށިފައިވަނީ ބިދޭސީން ދަންވަރުގެ ވަގުތުތަކުގައި ޤަވާއިދާ ޚިލާފު ކަންކަން ކުރާ ކަމުގެ ކަންބޮޑުވުން ރައްޔިތުން ފާޅުކުރުމާ ގުޅިގެންނެވެ. މިގޮތުން، ރޭގަނޑު 12 އިން ހެނދުނު 6 ޖެހުމާ ހަމައަށް އާންމު ތަންތަނާއި މަގުމަތީގައި އުޅޭ ބިދޭސީން ހުއްޓުވައި ސުވާލުކުރުމަށް ރައީސުލްޖުމްހޫރިއްޔާ ވަނީ ފުލުހުންނަށް އަންގަވާފައެވެ. ފުލުހުން ވަނީ މާލެ، ހުޅުމާލެއާއި ރާއްޖޭގެ މީހުން ދިރިއުޅޭ ހުރިހާ ރަށެއްގައި މި ހަރަކާތް ފަށާފައެވެ. ރޭ އެކަނިވެސް މާލެއިން 23 ބިދޭސީއަކު ހުއްޓުވައި ސުވާލުކުރެވުނުއިރު، ގަވާއިދާ ޚިލާފަށް އުޅެމުންދިޔަ ބިދޭސީއަކު އިމިގްރޭޝަނާ ހަވާލުކުރުމުގެ މަސައްކަތް ދަނީ ކުރިއަށެވެ.
ފުލުހުން ވިދާޅުވީ، މެންދަމުގެ ވަގުތުގައި އާންމު އިޖްތިމާޢީ މިންގަނޑާއި ޚިލާފަށް މަގުމަތީގައި އުޅޭ ބިދޭސީންނާ ސުވާލުކުރުމުން ފާހަގަކުރެވޭ ކަންކަމާ ގުޅޭގޮތުން ފިޔަވަޅު އަޅައި، ގަވާއިދާ ޚިލާފަށް ދިރިއުޅޭ ފަރާތްތައް އިމިގްރޭޝަނާ ހަވާލުކުރާނެ ކަމަށެވެ. އަދި ޚާއްސަކޮށް މާލެއާއި ހުޅުމާލޭގެ އާންމު ތަންތަނުގައި ނިދާ ބިދޭސީންގެ ހާލަތު ބަލައި، އެފަރާތްތައް ގަވާއިދާ އެއްގޮތަށް ދިރިއުޅޭތޯ ބެލުމުގެ މަސައްކަތް ކުރިއަށްދާނެއެވެ.
ރައްޔިތުންނާއެކު ބޭއްވި ބައްދަލުވުމެއްގައި ގިނަ ރައްޔިތުން ވަނީ ދަންވަރު ބިދޭސީން އެއްވެ އުޅޭތަން ފެންނަކަމަށާއި، އިޖުތިމާޢީ މިންގަނޑާ ޚިލާފު ކަންކަން ހިނގާކަމުގެ ކަންބޮޑުވުން ފާޅުކޮށްފައެވެ. ސަރުކާރުން ވިދާޅުވަނީ ރައްޔިތުންގެ ކަންބޮޑުވުންތަކާއި ޚިޔާލުތަކަކީ ޤައުމު ހިންގުމުގައި ރައްޔިތުންގެ ބައިވެރިވުން ކަށަވަރުކޮށްދޭ އަދި އިޖާބަދެއްވާނެ ކަމެއް ކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0