Read Time:2 Minute, 39 Second
ޕީޕަލްސް ނޭޝަނަލް ކޮންގްރެސް (ޕީއެންސީ) އިން މިއަންނަ ލޯކަލް ކައުންސިލް އިންތިޚާބުގައި އެ ޕާޓީގެ ޓިކެޓުގައި ވާދަކުރާނެ ކެނޑިޑޭޓުން ކަނޑައެޅުމަށް ބާއްވާ ޕްރައިމަރީއަށް، %97 ދާއިރާއިން ކެނޑިޑޭޓުން ކުރިމަތިލާފައިވާ ކަމަށް ބުނެފިއެވެ. ޕީއެންސީން މި ފުރުޞަތު ހުޅުވާލީ މިމަހުގެ 1 ވަނަ ދުވަހުއެވެ.
ޕީއެންސީން ލަފާކުރާ ގޮތުގައި މިއީ ލޯކަލް ކައުންސިލް އިންތިޚާބެއްގައި އެއް ޕާޓީއަކުން އެންމެ ގިނަ ކެނޑިޑޭޓުން ވާދަކުރާ ފަހަރެވެ. ޕީއެންސީގެ ލޯކަލް ކައުންސިލް އިންތިޚާބުގެ ކެމްޕެއިން މެނޭޖަރު އަދި ރައްޔިތުންގެ މަޖިލީހުގެ ޕީއެންސީ ޕީޖީ ގްރޫޕް ލީޑަރު އިބްރާހީމް ފަލާޙް ވިދާޅުވީ، 2008 ވަނަ އަހަރުން ފެށިގެން މިހާތަނަށް މިހާ ގިނަ ކެނޑިޑޭޓުން ލޯކަލް ކައުންސިލް އިންތިޚާބަކަށް ކުރިމަތިލާފައި ނުވާ ކަމަށެވެ. ޕްރައިމަރީއަށް ހުޅުވާލި ދެ ހަފްތާގެ މުއްދަތުގައި ބޮޑު ތަރުހީބެއް ލިބިފައިވާކަން އޭނާ ފާހަގަކުރެއްވިއެވެ.
ޕީއެންސީގެ ޕްރައިމަރީ މިމަހުގެ 27 ވަނަ ދުވަހު ހެނދުނު 9:00 އިން ހަވީރު 4:00 އަށް ބޭއްވުމަށް ވަނީ ތައްޔާރުވެފައެވެ. މިވަގުތު ކެނޑިޑޭޓުންގެ ޝަރުތުތައް ހަމަވޭތޯ ބެލުމުގެ މަސައްކަތް ކުރަމުންދާ ކަމަށާއި، އަވަހަށް އެކަން އިއުލާންކުރާނެ ކަމަށް ޕާޓީން ބުނެއެވެ. ޕާޓީގެ މެންބަރުންގެ އަދަދު މިހާރު 70,000 އަށް އަރާފައިވާއިރު، މި ޕްރައިމަރީއާ ގުޅިގެން މެންބަރުންގެ އަދަދު 75,000 އަށް އަރާނެ ކަމަށް ޕީއެންސީން ލަފާކުރެއެވެ.
Happy
0 %
Sad
0 %
Excited
0 %
Sleepy
0 %
Angry
50 %
Surprise
50 %
0
0