Read Time:2 Minute, 24 Second
(ފޮޓޯ ކްރެޑިޓްސް: ރައީސް އޮފީސް)
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ ކުދި އަދި މެދުފަންތީގެ ވިޔަފާރިވެރިންނާ ބައްދަލުކުރައްވައި، ރާއްޖެއަށް އެތެރެކުރާ މުދަލަށް ޑެމެރޭޖް ނާރާ ވަގުތު 80 ގަޑިއިރުން 124 ގަޑިއިރަށް އިތުރުކޮށްދެއްވާނެ ކަމަށާއި، މުދާ ކްލިއަރކުރުން 24 ގަޑިއިރަށް ބަދަލުކޮށްދެއްވާނެ ކަމުގެ ޔަގީންކަން ދެއްވާފައެވެ. ވިޔަފާރިވެރިން ފާހަގަކުރެއްވީ އެއަރޕޯޓުގައި މުދާ ކްލިއަރ ކުރުމުގައި ދިމާވާ ގޮންޖެހުންތަކާއި ޑެމެރޭޖް ފީ އިތުރުވުމުގެ މައްސަލަތަކެވެ. މީގެ އިތުރުން ރައީސުލްޖުމްހޫރިއްޔާ ވަނީ ބިދޭސީންގެ ކޯޓާ މައްސަލައާއި، ނުލިބި ހުރި ބިލްތަކަށް ޓެކްސް ދައްކަން ޖެހުމުގެ މައްސަލަތަކާއި، ވިޔަފާރިތަކަށް އުޅަނދު ރަޖިސްޓަރީ ކުރުމުގައި ދިމާވާ ދަތިތައް ވެސް ހައްލުކޮށްދެއްވާނެ ކަމަށް ވިދާޅުވެފައެވެ.
އަދި ދައުލަތަށް ދައްކަން ޖެހޭ ފައިސާ، ދައުލަތުން ވިޔަފާރިތަކަށް ދައްކަން ހުރި ފައިސާއިން ކަނޑާލެވޭނެ އިންތިޒާމެއް ހަމަޖައްސަވައި، ތިލަފުށީގައި އަންނަ މަހު ބީއެމްއެލްގެ އޭޓީއެމްއެއް ބަހައްޓާނެ ކަމަށް ވެސް އެމަނިކުފާނު ހާމަކުރެއްވިއެވެ. ސަރުކާރުގެ އަމާޒަކީ ގޯސްކޮށް ހުރި ކަންކަން ރަނގަޅުކޮށް، ރަނގަޅަށް ހިންގާ ކަންކަން އިތުރަށް ހަރުދަނާކުރުން ކަމަށް ރައީސް ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0