Read Time:5 Minute, 7 Second
(ފޮޓޯ ކްރެޑިިޓްސް: ބީއެމްއެލް)
ބޭންކް އޮފް މޯލްޑިވްސް (ބީއެމްއެލް) އިން ވޭސިން ޕޭ (ދުނިޔޭގެ މާކެޓްގައި ވީޗެޓް ޕޭގެ ނަމުން މަޝްހޫރު) އަދި ވިޒިޓް މޯލްޑިވްސް ކޯޕަރޭޝަންއާ ދެ އެއްބަސްވުމެއްގައި ސޮއިކޮށްފިއެވެ. މި އެއްބަސްވުންތަކުގެ މައިގަނޑު މަގުސަދަކީ ރާއްޖޭގެ ޑިޖިޓަލް ޕޭމަންޓް ހައްލުތައް ހަރުދަނާކޮށް، ރާއްޖޭގެ ފަތުރުވެރިކަން ކުރިއެރުވުމަށް ބާރުއެޅުމެވެ. މި އެއްބަސްވުމުގެ ދަށުން، ރާއްޖެ މާކެޓްކޮށް، ފަތުރުވެރިންގެ އެންގޭޖްމަންޓް އިތުރުކޮށް، ޑިޖިޓަލް ހަރަކާތްތައް ފުޅާކުރާނެއެވެ. ހާއްސަކޮށް، ޗައިނާގެ ފަތުރުވެރިންނަށް ފައިސާގެ މުއާމަލާތްތައް ކުރުމުގައި ފަސޭހަ ތަޖުރިބާއެއް ހޯދައިދިނުމަށް މަސައްކަތް ކުރެވޭނެއެވެ. މީގެ އިތުރުން، ދިވެހި އާންމު ފަރުދުންނާއި ވިޔަފާރިވެރިންނަށް ބަޔޯމެޓްރިކްސް ފަދަ އީޖާދީ ގޮތްތަކަށް ފައިސާ ދެއްކޭނެ ފުރުސަތުތައް ބީއެމްއެލްއާއި ވޭސިން ޕޭ ގުޅިގެން މިހާރު ދަނީ ދިރާސާ ކުރަމުންނެވެ.
ބީއެމްއެލްއާއި ވޭސިން ޕޭ ގުޅިގެން، ރާއްޖެއަށް އެންމެ ގިނަ ފަތުރުވެރިން ޒިޔާރަތްކުރާ ޗައިނާގެ ފަތުރުވެރިންނަށް ވޭސިން ޕޭ ބޭނުންކޮށްގެން މުދަލާއި ހިދުމަތަށް ޑިޖިޓަލްކޮށް ފައިސާ ދެއްކޭނެ ގޮތްތަކާއި، އެ ހިދުމަތްތަކުން ފަތުރުވެރިންގެ ތަޖުރިބާ ރަނގަޅުކުރެވޭނެ ގޮތްތަކާ ބެހޭ ގޮތުން ރިސޯޓުތަކުގެ މަންދޫބުންނަށް މައުލޫމާތު ދިނުމުގެ ސެޝަންއެއް ވަނީ ބާއްވާފައެވެ. ބީއެމްއެލްގެ ސީއީއޯ އަދި މެނޭޖިންގ ޑިރެކްޓަރ މުހައްމަދު ޝަރީފް ވިދާޅުވީ، ވޭސިން ޕޭ އަދި ވިޒިޓް މޯލްޑިވްސްއާ ގުޅިގެން ފަތުރުވެރިންނާއި ވިޔަފާރިތަކަށް ފައިސާ ދެއްކޭނެ އީޖާދީ އަދި ރައްކާތެރި ގޮތްތައް ހަމަޖެހިގެން ދިއުމަކީ ވަރަށް އުފާކުރައްވާ ކަމެއް ކަމަށެވެ. އަދި ބަޔޯމެޓްރިކް ފަދަ ޓެކްނޮލޮޖީތަކާއެކު ފަތުރުވެރިންނަށް ފައިސާގެ މުއާމަލާތްތައް ކުރުމުގެ ތަޖުރިބާ އިތުރަށް ފުރިހަމަވެ، އެކި ގައުމުތަކުން ރާއްޖެއަށް އަންނަ ފަތުރުވެރިންނަށް ދެވޭ ހިދުމަތްތައް ރަނގަޅުވެ ފަތުރުވެރިކަން ކުރިއެރުމަށް އެހީތެރިވެދޭނެ ކަމަށް އޭނާ ފާހަގަކުރެއްވިއެވެ.
ބީއެމްއެލްއިން ވަނީ އެމެރިކަން އެކްސްޕްރެސް، ވީސާ، މާސްޓާކާޑް، އަދި ޔޫނިއަންޕޭ ފަދަ މައިގަނޑު ހުރިހާ ކްރެޑިޓް އަދި ޑެބިޓް ކާޑު ނެޓްވޯކްތަކުގެ އިތުރުން، ބީއެމްއެލް ޕޭ، ވޭސިން ޕޭ، އަލިޕޭ، އެޕަލް ޕޭ އަދި ގޫގުލް ޕޭ ފަދަ ރާއްޖޭގައި އާންމުކޮށް ބޭނުންކުރާ ޑިޖިޓަލް ވޮލެޓްތަކުން ކުރާ މުއާމަލާތްތައް ޕްރޮސެސް ކުރާނެއެވެ. ބީއެމްއެލްގެ މާޗަންޓް ޕޯޓަލް އަދި އެމްޕީއޯއެސް އެޕް ބޭނުންކޮށްގެން، ވިޔަފާރިތަކަށް ފުރިހަމަ އޮންލައިން ޕޭމަންޓް ހައްލުތަކެއް ފޯރުކޮށްދީ، ރިއަލް-ޓައިމް ޕޭމަންޓް ރިކުއެސްޓްތައް ކުރެވޭނެ ގޮތް ހަމަޖައްސައި، މުޢާމަލާތްތައް މޮނިޓަރކޮށް، އޮންލައިން ސްޓޯރުގެ އޮޕަރޭޝަންތައް މެނޭޖްކުރުމުގައި އެހީތެރިވެދެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0