Read Time:3 Minute, 0 Second
(ފޮޓޯ ކްރެޑިޓްސް: ސައި ލެގޫން މޯލްޑިވްސް)
މާލީ ވުޒާރާއިން މި މަހުގެ 11 ވަނަ ދުވަހާ ހަމައަށް އެކުލަވާލި ފިސްކަލް ޑިވެލޮޕްމަންޓްސް ރިޕޯޓުން ދައްކާ ގޮތުގައި، ފަތުރުވެރިކަމުގެ ދާއިރާއިން ޓީޖީއެސްޓީގެ ގޮތުގައި 9.9 ބިލިއަން ރުފިޔާ ދައުލަތަށް ލިބިފައިވެއެވެ. މިއީ 2024 ވަނަ އަހަރާ އަޅާބަލާއިރު 14.1 އިންސައްތައިގެ އިތުރުވުމެކެވެ. މި މުއްދަތުގައި ދައުލަތަށް ޖުމްލަ އާމްދަނީއާއި ހިލޭ އެހީގެ ގޮތުގައި 36 ބިލިއަން ރުފިޔާ ލިބިފައިވާއިރު، މިއީ މިދިޔަ އަހަރާ އަޅާބަލާއިރު 10.5 އިންސައްތައިގެ ކުރިއެރުމެކެވެ. ޓެކްސް އާމްދަނީގެ ޖުމްލަ 26.9 ބިލިއަން ރުފިޔާއަށް އަރާފައިވެއެވެ.
ދައުލަތުގެ ޖުމްލަ ހަރަދުތައް ހުރީ 37.9 ބިލިއަން ރުފިޔާގައެވެ. މިއީ މިދިޔަ އަހަރާ އަޅާބަލާއިރު 12.7 އިންސައްތައިގެ ދަށްވުމެކެވެ. ހަރަދުތައް އެންމެ ބޮޑަށް އިތުރުވީ ސަބްސިޑީތަކުގެ ސަބަބުން ކަމަށާއި، ސަބްސިޑީތަކަށް 3.4 ބިލިއަން ރުފިޔާ ހަރަދުކޮށްފައިވެއެވެ. ޕީއެސްއައިޕީގެ ދަށުން 7.3 ބިލިއަން ރުފިޔާ ހަރަދުކޮށްފައިވާއިރު، ސިއްހީ ހިދުމަތްތައް ތަރައްގީކުރުމަށް 443.0 މިލިއަން ރުފިޔާ ހަރަދުކުރިއިރު، މިއީ 2024 ވަނަ އަހަރާ އަޅާބަލާއިރު 219.0 އިންސައްތައިގެ ބޮޑު އިތުރުވުމެކެވެ. ދަތުރުފަތުރަށް ޖުމްލަ 4.4 ބިލިއަން ރުފިޔާ ހަރަދުކޮށްފައިވާއިރު، އޭގެ ތެރެއިން 3.2 ބިލިއަން ރުފިޔާއަކީ އެއާޕޯޓާ ގުޅުންހުރި ޕީއެސްއައިޕީ ހަރަދެވެ.
ބަޖެޓުގެ އޯވަރޯލް ބެލެންސް ހުރީ 1.9 ބިލިއަން ރުފިޔާގެ ޑެފިސިޓެއްގައެވެ. މިއީ 2024 ވަނަ އަހަރުގެ 10.8 ބިލިއަން ރުފިޔާގެ ޑެފިސިޓާ އަޅާބަލާއިރު 82.5 އިންސައްތައިގެ ބޮޑު ދަށްވުމެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0