Read Time:2 Minute, 31 Second
(ފޮޓޯ ކްރެޑިޓްސް: ވަގުތު)
އދ. މާމިގިލީ، ބުރުމާ ކުޑަ މޫސަގެ މުހައްމަދު މޫސާ، ރައީސް ޑރ. މުހައްމަދު މުއިއްޒުގެ އަރިހުގައި މާލެ ސަރަހައްދުން ބޯހިޔާވަހިކަމެއް ދެއްވުމަށް ވަރަށް އާދޭހާއެކު އެދިވަޑައިގެންފިއެވެ. ގަލޮޅު ރައްޔިތުންނާ ރައީސް ބައްދަލުކުރެއްވި ޖަލްސާގައި މުހައްމަދު މޫސާ ކަރުނައަޅުއްވައި ހާލު ބަޔާންކުރެއްވިއިރު، އޭނާ މާލޭގައި ދިރިއުޅޭތާ 40 އަހަރުވެއްޖެ ކަމަށް ވިދާޅުވިއެވެ.
އޭނާގެ ފުރަތަމަ ދަރިފުޅު ނުކުޅެދޭ ކުއްޖަކަށްވުމުން، ބޭސްފަރުވާއަށް ލަންކާއަށް ދިޔުމަށް މުދާ ވިއްކައި، ސަލާންޖަހައިގެން ފައިސާ ހޯދަން ޖެހުނު ކަމަށް ވިދާޅުވިއެވެ. މި ދަތުރުތަކުގެ ސަބަބުން، ހުޅުމާލެއިން ލިބުނު ގޯއްޗަކަށް ފައިސާ ނުދެއްކި، އެޗްޑީސީން އެއްބާރުލުން ނުދިނުމުގެ ސަބަބުން ގޯތި ގެއްލިގެން ދިޔަ ކަމަށް މުހައްމަދު މޫސާ ހިތާމަފާޅުކުރެއްވިއެވެ. މިހާރު ހަތް ދަރިންނާއި ކާފަ ދަރިންނާ އެކު ޖުމްލަ 11 މީހުންނާއެކު މަގުމަތީގައި ދުވަން ޖެހިފައިވާ ކަމަށް ވިދާޅުވަމުން، އޭނާއަށް ނުވަތަ އޭނާގެ ދަރިންނަށް މާލެ ސަރަހައްދުން މިހާތަނަށް އެއްވެސް ބޯހިޔާވަހިކަމެއް ލިބިފައިނުވާ ކަން ފާހަގަކުރެއްވިއެވެ. ސަރުކާރަށް 16 އަހަރު ހިދުމަތްކޮށްފައިވާއިރު، ސަރުކާރުގެ ދަފްތަރުގައި 40 އަހަރުވެފައިވާ މީހަކަށް ވެސް އުޅޭނެ ތަނެއް ނެތްކަން މުހައްމަދު މޫސާ ފާހަގަކުރެއްވިއެވެ.
Happy
0 %
Sad
100 %
Excited
0 %
Sleepy
0 %
Angry
0 %
Surprise
0 %
0
0