Read Time:2 Minute, 17 Second
(ފޮޓޯ ކްރެޑިޓްސް: ވަގުތު)
ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވީ ސިނަމާލެއާއި މާލެ ހިޔާ ފްލެޓްތަކުގެ ކުލީގެ ޖޫރިމަނާ، އެމަނިކުފާނު މާލެ ސިޓީގެ މޭޔަރަކަށް ހުންނެވިއިރު މައާފްކޮށްދެއްވާފައިވާނެ ކަމަށެވެ. ގަލޮޅުގެ ރައްޔިތުންނާއެކު ބޭއްވި ބައްދަލުވުމެއްގައި ވާހަކަދައްކަވަމުން ރައީސް މިހެން ވިދާޅުވީ، ސިޓީ ކައުންސިލުން ޖޫރިމަނާ ދެއްކުމަށް އަންގާފައިވާތީ ރައްޔިތުން ކަންބޮޑުވުން ފާޅުކުރުމުންނެވެ.
އެމަނިކުފާނު ވިދާޅުވީ އެ ޖޫރިމަނާތައް ކެންސަލްކޮށްފައިވާނެ ކަމަށާއި، އެގޮތަށް އެކަން ސިޓީ ކައުންސިލުން ކޮށްގެން ނުވާނެ ކަމަށެވެ. އަދި ޑެޕިއުޓީ މޭޔަރު އަރިހުން ކައުންސިލްގެ ފްލޯއަށް މިކަން ގެންގޮސް، އޭރު ނިންމި ނިންމުން ތަންފީޒުކުރުމަށް އެދިލެއްވިއެވެ. ސިނަމާލެ ފްލެޓްތަކުގެ މައްސަލަތައް ފާހަގަކުރުމުން ރައީސް ވިދާޅުވީ، ކައުންސިލުން އެތަންތަން ބަލަހައްޓަން ޖެހޭނެ ކަމަށާއި، ސަރުކާރުން މިކަމުގެ ތެރެއަށް ވަދެ، އެންމެ ރަނގަޅު ގޮތް ހޯއްދަވާނެ ކަމަށެވެ. އަދި މި މައްސަލައަށް ޖުމްލަ ގޮތެއްގައި ހައްލެއް ގެނެސްދެއްވައި، ކަމާ ބެހޭ ފަރާތްތަކާ މަޝްވަރާކުރެއްވުމަށްފަހު ރަނގަޅު ޖަވާބެއް ދެއްވާނެ ކަމަށް ވެސް ރައީސް ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0