Read Time:2 Minute, 20 Second
(ފޮޓޯ ކްރެޑިޓްސް: ވަގުތު)
ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވީ، މިސަރުކާރުން ބޯހިޔާވަހިކަމުގެ ފްލެޓްތަކުގެ ޕޮއިންޓް ބަދަލުނުކުރާނެ ކަމަށެވެ. މާލޭ، ގަލޮޅު ރައްޔިތުންނާ ބައްދަލުކުރެއްވުމަށް ރޭ ބޭއްވި ޖަލްސާއެއްގައި ވާހަކަފުޅު ދައްކަވަމުން ރައީސް ވިދާޅުވީ، ބޯހިޔާވަހިކަމަކީ ވަރަށް މުހިންމު އަދި ގިނަ ބަޔަކު ހާލުގައި އުޅެމުންދާތީ، އިމޯޝަނަލްވާނެ ކަމެއް ކަމަށެވެ.
ފްލެޓްތަކުގެ ޕޮއިންޓް ބަދަލުކުރި ކަމަށް ދެކެވޭ ވާހަކަތައް ދޮގުކުރައްވައި ރައީސް ވިދާޅުވީ، ފަހުން އެފްޑީސީ ފްލެޓް ދިން އިރުވެސް، ކުރީ ސަރުކާރުގެ އުސޫލުތަކާ އެއްގޮތަށް 76 އިން މަތި ނުވަތަ 75 އިން މަތީގެ ޕޮއިންޓްތަކަށް އެއްވެސް ބަދަލެއް ނުގެނެސް ފްލެޓް ދީފައިވާ ކަމަށެވެ. މީގެ އިތުރުން ރައީސް ވިދާޅުވީ، މައިމުޅަވެފައިވާ ފަރާތްތަކަކީ މީގެ ކުރިން އެއްވެސް ސަރުކާރެއްގެ ހައުސިންގ ސްކީމެއްގައި ރިކޮގްނައިޒްކޮށްފައި ނުވާ ފަރާތްތައް ކަމަށާއި، ނަމަވެސް އެމަނިކުފާނު ރިޔާސީ އިންތިހާބުގެ ކެމްޕޭނުގައި މި ފަރާތްތަކަށް ހާއްސަ ކެޓެގަރީއެއް ކަނޑައަޅައި ފްލެޓް ނުވަތަ ގޯތި ހަމަޖައްސަވައި ދެއްވާނެ ކަމަށް ވައުދުވެފައިވާ ކަމަށާއި، މިއީ އެމަނިކުފާނު ކަނޑައެޅި ކަމެއް ކަމުގައި ވެސް ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0