Read Time:3 Minute, 8 Second
(ފޮޓޯ ކްރެޑިޓްސް: މިހާރު)
ރާއްޖޭގައި ބިދޭސީން ވަޒީފާ އަދާކުރުމާ ބެހޭ ގަވާއިދަށް ހޯމް މިނިސްޓްރީން ބަދަލެއް ގެނެސް ސަރުކާރުގެ ގެޒެޓުގައި އާންމުކޮށްފި އެވެ. މި ބަދަލާއެކު ނަރުހުންނާއި ޓީޗަރުންނާއި ބިއުޓީޝަނުން ހިމެނޭހެން ވަޒީފާގެ ބައެއް ދާއިރާތަކަށް ބިދޭސީން ގެނައުން މަނާކުރެވޭނެ އެވެ.
އެގޮތުން، ގަވާއިދަށް އަމަލުކުރަން ފަށާތާ ދެ އަހަރު ދުވަހުގެ ތެރޭގައި ހެއާ ޑްރެސަރުން، ބިއުޓީޝަނުން، ބޭބީ ސިޓާސް، ޕާސަނަލް ޓްރެއިނާސް، އިލެކްޓްރީޝަނުން، ގެސްޓް ރިލޭޝަން އޮފިސަރުން (އިންގްލިޝް)، ޓުއާ ގައިޑުން، އެކައުންޓެންޓުން އަދި އިމާމުންގެ ކޯޓާތައް ބާތިލުކުރެވޭނެ އެވެ. ތިން އަހަރު ދުވަހުގެ ތެރޭގައި ޑައިވަރުން، ނަރުހުން، ބިލްޑިން އިކްސްޕެކްޓަރުން، ސާވޭޔަރުން، ސައިޓް ސުޕަވައިޒަރުން އަދި ޕައިލެޓުންގެ ކޯޓާތައް ބާތިލުކުރެވޭނެ އެވެ. ހަތަރު އަހަރު ދުވަހުގެ ތެރޭގައި އިލެކްޓްރިކަލް އިންޖީނިއަރުން އަދި ޑައިވް އިންސްޓްރަކްޓަރުންގެ ކޯޓާތައް ބާތިލުކުރެވޭއިރު، ފަސް އަހަރު ދުވަހުގެ ތެރޭގައި ހައުސް ކީޕިން މެނޭޖަރުން، ހިއުމަން ރިސޯސް މެނޭޖަރުން، ޕްރަންޓް އޮފީސް މެނޭޖަރުން އަދި ޕްރައިމަރީ އަދި ސެކަންޑަރީ ޓީޗަރުންގެ ކޯޓާތައް ބާތިލުކުރެވޭނެ އެވެ.
މި ބަދަލުތައް ގެނެސްފައި މިވަނީ ގަވާއިދާ ހިލާފަށް ރާއްޖޭގައި އުޅޭ ބިދޭސީންގެ މައްސަލަ ހައްލުކުރުމަށް ސަރުކާރުން ކުރަމުންދާ މަސައްކަތްތަކުގެ ތެރެއިންނެވެ. މިހާތަނަށް ގިނަ އަދަދެއްގެ ބިދޭސީން ޑީޕޯޓްކޮށް، 191،723 ބިދޭސީންގެ ބަޔޯމެޓްރިކްސް ނަގާފައިވާ ކަމަށް ރައީސް ޑރ. މުހައްމަދު މުއިއްޒު ވިދާޅުވެފައިވެ އެވެ. ބަޔޯމެޓްރިކްސް ނުދީ ހުރި ބިދޭސީއަކު ހުރި ނަމަ ޑީޕޯޓްކުރާނެ ކަމަށް ވެސް ރައީސް ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0