Read Time:2 Minute, 48 Second
(ފޮޓޯ ކްރެޑިޓްސް: ބީއެމްއެލް)
ޕަބްލިކް ސެކްޓަރ އިންވެސްޓްމެންޓް ޕްރޮގްރާމް (ޕީއެސްއައިޕީ) އަށް މިމަހުގެ 4 ވަނަ ދުވަހާއި ހަމައަށް 7.2 ބިލިޔަނަށްވުރެ ގިނަ ރުފިޔާ ޚަރަދުކޮށްފައިވެއެވެ. މިއީ މިދިޔަ އަހަރުގެ މި މުއްދަތާއި އަޅާބަލާއިރު 29 އިންސައްތަ ދަށް އަދަދެކެވެ. މި ޚަރަދުގެ ތެރެއިން އެންމެ ބޮޑު އަދަދެއް، 4.3 ބިލިޔަން ރުފިޔާ، ދަތުރުފަތުރުގެ ދާއިރާއަށް ކުރި އިރު، މީގެ ތެރެއިން 3.2 ބިލިޔަން ރުފިޔާ ވަނީ އެއަރޕޯޓް ތަރައްޤީ ކުރުމުގެ މަޝްރޫޢުތަކަށް ޚަރަދުކޮށްފައެވެ. މީގެ އިތުރުން ބިން ހިއްކުމަށް 671 މިލިޔަން ރުފިޔާ، ތިމާވެށި ޙިމާޔަތްކުރުމަށް 608 މިލިޔަން ރުފިޔާ، ޞިއްޙީ ދާއިރާއަށް 432 މިލިޔަން ރުފިޔާ، ފެނާއި ނަރުދަމާ ނިޒާމަށް 313 މިލިޔަން ރުފިޔާ، ބޯހިޔާވަހިކަމުގެ މަޝްރޫޢުތަކަށް 183 މިލިޔަން ރުފިޔާ، މަސްވެރިކަމާއި ދަނޑުވެރިކަމަށް 180 މިލިޔަން ރުފިޔާ އަދި އިޖްތިމާޢީ އަދި ދީނީ މަޝްރޫޢުތަކަށް 171 މިލިޔަން ރުފިޔާ ހޭދަކޮށްފައިވެއެވެ.
މި އަހަރަށް ޕީއެސްއައިޕީ މަޝްރޫޢުތަކަށް 12.4 ބިލިޔަން ރުފިޔާ ވަނީ ބަޖެޓްކޮށްފައެވެ. މާލީ ވުޒާރާއިން ވިދާޅުވަނީ ޕީއެސްއައިޕީއަށް ކުރި ޚަރަދު ދަށްވުމަކީ މަޝްރޫޢުތައް ހިންގުމުގެ ޚަރަދު ހަރުދަނާކޮށް ބެލެހެއްޓެމުންދާކަން ހާމަވެގެންދާ ކަމެއް ކަމަށެވެ. ސަރުކާރުން ވަނީ މި އަހަރުން ފެށިގެން ޕީއެސްއައިޕީ މަޝްރޫޢުތައް ހިންގުމުގައި ފައިދާއަށް ބެލުމަށާއި، އާ މަޝްރޫޢުތަކުގެ ބޭނުންތެރިކަން ދެނެގަތުމަށް ޕްރޮޖެކްޓް ޕްރިޕަރޭޓަރީ ފަންޑެއް ޤާއިމްކޮށްފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0