Read Time:2 Minute, 17 Second
(ފޮޓޯ ކްރެޑިޓްސް: ވިޒިޓް މޯލްޑިވްސް)
އިނގިރޭސި ޕްރިމިއަރ ލީގުގައި ލިވަރޕޫލް އެފްސީން ބްރައިޓަންއާ ދެކޮޅަށް ކުޅުނު މެޗެއްގައި، ހިއުގޯ އެކިޓީކޭ މެޗު ފެށިތާ އެންމެ 46 ސިކުންތުތެރޭގައި ލަނޑު ޖަހައި މި ސީސަންގެ އެންމެ އަވަސް ގޯލުގެ ރިކޯޑު މުގުރާލި ވަގުތު، އެންފީލްޑް ސްޓޭޑިއަމްގައި ދިވެހިރާއްޖޭގެ ބްރޭންޑިންގަށް ގިނަ ބައެއްގެ ސަމާލުކަން ލިބިއްޖެއެވެ. ވިޒިޓް މޯލްޑިވްސްއިން ލިވަރޕޫލް ފުޓުބޯޅަ ކްލަބާއެކު ގާއިމްކޮށްފައިވާ ޑެސްޓިނޭޝަން ޕާޓްނާޝިޕްގެ ދަށުން، ކޮންމެ ހޯމް މެޗެއްގައިވެސް އެންފީލްޑްގެ އެލްއީޑީ ބޯޑުތަކާއި ޑިޖިޓަލް ސްކްރީންތަކުގައި ރާއްޖޭގެ ބްރޭންޑިންގ ދައްކާލައެވެ.
މި ޕާޓްނާޝިޕްގެ މައިގަނޑު މަގްސަދަކީ ދުނިޔޭގެ 180 ގައުމަށް ދައްކާ މިފަދަ މެޗުތަކުގެ ޒަރީއާއިން ރާއްޖޭގެ ފަތުރުވެރިކަމުގެ ތަފާތު ފުރުސަތުތަކާއި ލަގްޒަރީ ރިސޯޓްތައް ދުނިޔެއަށް ތައާރަފްކޮށް، ރާއްޖެއަކީ ދުނިޔޭގެ އެންމެ ގިނަ ބަޔަކު ދަންނަ ފަތުރުވެރިކަމުގެ މަންޒިލުކަމުގައި ހެދުމެވެ. މިގޮތުން، ސްޓޭޑިއަމްގެ ލެޑް ބޯޑުތަކުގައި ތަފާތު ގޮތްގޮތަށް ކެމްޕޭންތައް ހިންގަމުންދާއިރު، މިދިޔަ މަހު 10 ބަހަކުން ރާއްޖެ އިސްތިހާރުކުރުމަށްވެސް މި ބޯޑުތައް ވަނީ ބޭނުންކޮށްފައެވެ.
Happy
0 %
Sad
0 %
Excited
100 %
Sleepy
0 %
Angry
0 %
Surprise
0 %
1
0