Read Time:2 Minute, 12 Second
(ފޮޓޯ ކްރެޑިޓްސް: އެމްއޭސީއެލް)
މިއަހަރުގެ މިހާތަނަށް ރާއްޖެއަށް 2.1 މިލިޔަނަށްވުރެ ގިނަ ފަތުރުވެރިން ޒިޔާރަތްކޮށްފައިވާއިރު، މިއީ މިދިޔަ އަހަރުގެ މި މުއްދަތާ އަޅާބަލާއިރު 10 އިންސައްތައިގެ ކުރިއެރުމެކެވެ. ފަތުރުވެރިކަމާ ބެހޭ ވުޒާރާއިން އާންމުކުރި ތަފާސްހިސާބުތައް ދައްކާގޮތުން، މިނޮވެމްބަރު މަހުގެ 13 ވަނަ ދުވަހާ ހަމައަށް 2,106,122 ފަތުރުވެރިން ރާއްޖެއަށް އައިސްފައިވެއެވެ. މިއަހަރުގެ ނޮވެމްބަރު މަހުގެ ފުރަތަމަ 13 ދުވަހު 84,061 ފަތުރުވެރިން އައިސްފައިވާއިރު، މިއީވެސް މިދިޔަ އަހަރާ އަޅާބަލާއިރު 12 އިންސައްތައިގެ އިތުރުވުމެކެވެ.
މިއަހަރު މިހާތަނަށް ރާއްޖެއަށް އެންމެ ގިނައިން ފަތުރުވެރިން އައިސްފައިވަނީ ޗައިނާ (320,721)، ރަޝިއާ (263,172)، އިނގިރޭސިވިލާތް (189,513)، ޖަރުމަނުވިލާތް (158,585) އަދި އިޓަލީން (137,188) ނެވެ. ރާއްޖެއަށް 2 މިލިޔަން ފަތުރުވެރިންގެ އަދަދު ހަމަވެފައިވަނީ މިދިޔަ މަހުގެ 27 ވަނަ ދުވަހުއެވެ. މިއީ މިދިޔަ އަހަރު (ޑިސެމްބަރު 26) އަޅާބަލާއިރު އެއް މަސް ކުރިން ހަމަވި އަދަދެކެވެ. ފަތުރުވެރިކަމާ ގުޅޭ ތަފާސްހިސާބުތައް ދައްކާގޮތުން، މިހާރު ކޮންމެ ދުވަހަކު އެވްރެޖްކޮށް 6,466 ފަތުރުވެރިން ރާއްޖެއަށް އާދެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0