Read Time:2 Minute, 2 Second
(ފޮޓޯ ކްރެޑިޓްސް: މީރާ)
ނޮވެމްބަރު މަހުގެ ނިޔަލަށް ދައުލަތަށް ޑޮލަރުން ލިބުނު އާމްދަނީ %37 އިތުރުވެފައިވާކަމަށް މޯލްޑިވްސް އިންލެންޑް ރެވެނިއު އޮތޯރިޓީ (މީރާ) އިން އާއްމުކޮށްފައިވާ ރިޕޯޓުން ދައްކައިފިއެވެ. މިއަހަރުގެ 11 މަސްދުވަހުގެ ތެރޭގައި ޑޮލަރުން 1.3 ބިލިއަން ޑޮލަރު ލިބިފައިވާއިރު، މިދިޔަ އަހަރުގެ މި މުއްދަތުގައި ލިބިފައިވަނީ 965 މިލިއަން ޑޮލަރެވެ.
ޑޮލަރުން ލިބުނު އާމްދަނީގެ އެންމެ ބޮޑުބައެއް ހިއްސާކުރަނީ ޓީ-ޖީއެސްޓީ، ގްރީން ޓެކްސް، އިންކަމް ޓެކްސް، ޑިޕާޗަރ ޓެކްސް، އެއާޕޯޓު ޑިވެލޮޕްމަންޓު ފީ އަދި ޓޫރިޒަމް ލޭންޑު ރެންޓުގެ ގޮތުގައެވެ. އާމްދަނީއަށް އެންމެ ބޮޑު ކުރިއެރުމެއް ލިބިފައިވަނީ ގްރީން ޓެކްސްއަށް ކަމަށް މިރިޕޯޓުން ދައްކައެވެ. އެގޮތުން މިއަހަރު 132 މިލިއަން ޑޮލަރުގެ ގްރީން ޓެކްސް ލިބިފައިވާއިރު، މިދިޔަ އަހަރު މި އަދަދު ހުރީ 63 މިލިއަން ޑޮލަރުގައެވެ. ހަމައެއާއެކު، މި ނޮވެމްބަރު މަހު ޑޮލަރުން 103 މިލިއަން ޑޮލަރުގެ އާމްދަނީ ބަލައިގެންފައިވާއިރު، މިދިޔަ އަހަރުގެ ނޮވެމްބަރު މަހު ލިބިފައިވަނީ 84 މިލިއަން ޑޮލަރެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0