Read Time:3 Minute, 16 Second
އިންޑިއާއަށް ލަޔޮނަލް މެސީ ކުރާ ދަތުރުގައި އޭނާ ދެކިލަން 12000 ރުޕީސް ހަރަދުކޮށް ޓިކެޓް ގަތް ގިނަ ސަޕޯޓަރުންނަށް އޭނާ ހަމަލޮލަށް ނުފެނިގެން ހަޅުތާލުކޮށް، މައްސަލަތައް އުފެދިއްޖެ އެވެ. ދުނިޔޭގެ އެންމެ ބައިބޯ އެއް ގައުމު ކަމަށްވާ އިންޑިއާގެ ހަތަރު ސްޓޭޓަށް މެސީ ކުރާ ދަތުރުގައި ވަރަށް ބޮޑަށް ސަލާމަތީ ކަންތައްތައް ވަރުގަދަކޮށްފައިވެއެވެ. މެސީ ދުށުމަށް ބައެއް މީހުން ސަލާމަތީ ސަފުތައް ތޮރުފާލާފައި ވަންނަމުންދާތީ، އޭނާ ގިނަ ބަޔަކަށް ނުފެނިގެން އުޅެނީއެވެ. މިކަމާހުރެ ސަޕޯޓަރުން މިހާރު ވަނީ މެސީގެ ދަތުރު އޮގަނައިޒްކުރި ފަރާތްތައް ހިސާރުކޮށް، ބައެއް އޮގަނައިޒަރުން ހިފަހައްޓާފައެވެ. އެއީ ކަލަކަތާގެ 80000 މީހުންގެ ސޯލްޓްލޭކް ސްޓޭޑިއަމު ފުރެންދެން ޓިކެޓް ވިއްކާފައި ވެސް އިވެންޓްގެ ފެންވަރު ދަށްވުމާއި މެސީގެ ހަރަކާތްތައް ނުފެނުމުންނެވެ. އެއް ސަޕޯޓަރަކު ބުނީ ބޮޑު އަދަދަކުން ޓިކެޓް ނެގިއިރު ވެސް މެސީ ނުފެނި، ހަމައެކަނި ފިލްމްސްޓާރުންނާއި ކުޅިވަރު ތަރިންނާއި ސިޔާސީ މީހުންނަށް އޭނާ ފެނުން އެއީ ބޮޑު މައްސަލައެއް ކަމަށާއި، ބަދަލު ލިބެންޖެހޭނެ ކަމަށެވެ.
ކަލްކަތާ އާއި ގޯއާ ފަދަ ފުޓްބޯޅަ މަގުބޫލު ސްޓޭޓްތަކުގައި، ސަލާމަތީ ސަބަބުތަކާހުރެ އިވެންޓްތައް އަވަހަށް ނިންމާލާތީ، ހަމަނުޖެހުން ހިންގާ ދަނޑުގެ ގޮނޑިތައް ވެސް ދަނޑަށް އުކާލާފައިވެއެވެ. މެސީއަކީ އިންޑިއާ އާއި ބަނގްލަދޭޝް ފަދަ ގައުމުތަކުގައި ވަރަށް މަގުބޫލު ކުޅުންތެރިއެކެވެ. އޭނާގެ މި މަގުބޫލުކަން އެންމެ ފަހުގެ ވޯލްޑް ކަޕާއި ކުރީގެ ކެޕްޓަން މަރަޑޯނާގެ ސަބަބުން ވަނީ އިތުރުވެފައެވެ. މި ދަތުރުގައި މެސީއާއެކު އިންޓަމިއާމީގެ ޑިޕައުލް އާއި ލުއިސް ސުއަރޭޒް ވެސް ބައިވެރިވެއިރު، އިންޑިއާގައި ވަނީ މެސީގެ ހަނދާނީ ބިނާތަކެއް ވެސް ތައްޔާރުކޮށްފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0