Read Time:2 Minute, 51 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ކްރިކެޓް ބޯޑް އޮފް މޯލްޑިވްސް (ސީބީއެމް)ގެ ފުވައްމުލަކު ރީޖަނަލް ޑިވެލޮޕްމެންޓް މެނޭޖަރ ހަސަން މުތީޢު ވިދާޅުވި ގޮތުގައި، ސްޕޯޓްސް ޓޫރިޒަމްގެ ތެރެއިން ރާއްޖެއަށް ބޮޑު އާމްދަނީއެއް ހޯދައިދެވޭނެ އެއް ކުޅިވަރަކީ ކްރިކެޓެވެ. މިކުޅިވަރު ތަރައްޤީކުރުމަށް ސަރުކާރާއި ކްރިކެޓް ބޯޑު ގުޅިގެން ގިނަ ވިސްނުންތަކެއް ގެންގުޅޭ ކަމަށް އޭނާ ފާހަގަކުރެއްވިއެވެ. މުތީޢު ވިދާޅުވީ، ރާއްޖޭގައި ހުނަރުވެރި އެތުލީޓުން ތިބި ނަމަވެސް، ކްރިކެޓަށް ދިމާވާ އެންމެ ބޮޑު ގޮންޖެހުމަކީ އެކަށީގެންވާ ވަޞީލަތްތައް ނެތުމެވެ. ޚާއްސަކޮށް ބައިނަލްއަޤްވާމީ މުބާރާތްތަކުގައި ވާދަކުރުމަށް ބޭނުންވާ ނެޗުރަލް ޓާރފް ދަނޑުތައް ނެތުމުގެ ސަބަބުން، ދިވެހި ކުޅުންތެރިންނަށް އެހެން ޤައުމުތަކުގައި ކޭމްޕްކޮށް ހޭނެން ޖެހެއެވެ. މިއީ މުބާރާތްތަކުގައި ވާދަކުރާއިރު ދިމާވާ ވަރަށް ބޮޑު ދަތިކަމެއް ކަމަށް އޭނާ ފާހަގަކުރެއްވިއެވެ.
އޭނާ ވަނީ ކްރިކެޓް ކުރިއަރުވަން ބޭނުންނަމަ ނެޗުރަލް ޓާރފް ދަނޑެއްގެ މުހިންމުކަން ބޮޑުކަން ފާހަގަކުރައްވާފައެވެ. ރާއްޖޭގެ މުސްތަޤުބަލު ކްރިކެޓަށް ވަރަށް އުޖާލާ ކަމަށާއި، ފެސިލިޓީސް ތަރައްޤީކޮށްފިނަމަ ބައިނަލްއަޤްވާމީ ފެންވަރުގެ މުބާރާތްތައްވެސް ރާއްޖޭގައި ބޭއްވޭނެ ކަމަށް މުތީޢު އުންމީދު ކުރައްވައެވެ. ސްޕޯޓްސް ޓޫރިޒަމް ރާއްޖޭގައި މިހާރުވެސް ކުރިއަރަމުންދާއިރު، ކްރިކެޓަކީ މިދާއިރާއިން އިޤްތިޞާދަށް އެންމެ ބޮޑު މަންފާއެއް ކޮށްދެވޭނެ އެއް ކުޅިވަރު ކަމަށް އޭނާ ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0