Read Time:2 Minute, 9 Second
މަރުކަޒީ ބޭންކު، އެމްއެމްއޭގެ ހިސާބުތަކުން ދައްކާ ގޮތުގައި އިންފްލޭޝަން ނުވަތަ ތަކެތީގެ އަގު އުފުލުމުގެ އެންމެ ބޮޑު ހިއްސާއެއް ކުރަނީ ދުންފަތުގެ ބާވަތްތަކެވެ. އިންފްލޭޝަންގެ އެނުއަލް ރޭޓުގެ 2.11 ޕަސެންޓު ނިސްބަތްވަނީ ދުންފަތުގެ ބާވަތްތަކަށް ކަމަށްވާއިރު، މޭވާއިން 0.61 ޕަސެންޓު އަދި މަހުން 0.36 ޕަސެންޓު ހިއްސާ ކުރެ އެވެ. މަހުންމަހަށް ބަލާއިރު، މިދިޔަ ސެޕްޓެމްބަރު މަހު އިންފްލޭޝަން ހުރީ 3.9 ޕަސެންޓުގައެވެ. އެއީ އޮގަސްޓް މަހަށްވުރެ 0.4 ޕަސެންޓު ދަށްވުމެކެވެ. ސެޕްޓެމްބަރު މަހުގެ އިންފްލޭޝަން އިތުރުވުމުގެ އެންމެ ބޮޑު ސަބަބަކީ ކަރަންޓް ހިދުމަތުގެ އަގު އުފުލުމެވެ.
މި އަހަރު އިންފްލޭޝަން އެންމެ ބޮޑަށް އުފުލިފައިވަނީ އޭޕްރީލް މަހު 5.9 ޕަސެންޓަށެވެ. އަހަރު ފެށުނު އިރު 5.6 ޕަސެންޓުގައި ހުރި ނަމަވެސް، މި އަހަރު އެންމެ ދަށްވީ ސެޕްޓެމްބަރު މަހުގައެވެ. ސެޕްޓެމްބަރު މަހު މާލެ ސަރަހައްދުގެ އިންފްލޭޝަން ހުރީ 3.3 ޕަސެންޓުގައެވެ. އަދި އަތޮޅުތެރޭގެ އިންފްލޭޝަން ހުރީ 4.8 ޕަސެންޓުގައެވެ. އަތޮޅުތެރޭގެ އިންފްލޭޝަންގެ އެންމެ ބޮޑު ހިއްސާއެއް ކުރަނީ ކާބޯތަކެތީގެ އަގުތައް އުފުލުމެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0