Read Time:2 Minute, 29 Second
(ފޮޓޯ ކްރެޑިޓްސް: އިޤްތިޞާދާއިބެހޭ ވުޒާރާ)
ނ. އަތޮޅުގައި ތަރައްޤީކުރާ ސަސްޓެއިނަބަލް ޓައުންޝިޕަކީ ދުނިޔޭގެ ފެންވަރުގައި ފާހަގަކޮށްލެވޭ ތަނަކަށް ވާނެކަމަށް އިޤުތިޞާދީ ވަޒީރު މުޙައްމަދު ސަޢީދު ވިދާޅުވެއްޖެއެވެ. ސްޕެޝަލް އިކޮނޮމިކް ޒޯންގެ ޤާނޫނުގެ ދަށުން ފުރަތަމަ ފަހަރަށް ދެމެހެއްޓެނިވި ޓައުންޝިޕެއް ތަރައްޤީކުރުމަށް ބޭރުގެ ކުންފުންޏަކަށް ހުއްދަ ދިނުމާ ގުޅިގެން މީޑިޔާގައި ޙިއްސާކުރެއްވި ޕޯސްޓެއްގައި ވަޒީރު ވިދާޅުވީ 790 މިލިޔަން ޑޮލަރު (12.2 ބިލިޔަން ރުފިޔާ) އިންވެސްޓްކޮށްގެން ތަރައްޤީކުރާ މި ޓައުންޝިޕްގައި ދުނިޔޭގެ ފެންވަރުގެ ސިއްޙީ ޚިދުމަތްތަކާއި، ޓޫރިޒަމް ސްކޫލަކާއި، 60% އިޢާދަކުރަނިވި ހަކަތައިން ކަރަންޓު އުފެއްދޭނެ ވަސީލަތްތައް ޤާއިމުކުރެވޭނެއެވެ.
އަދި ދަނޑުވެރިކަމުގެ ވަސީލަތްތަކާއި ޒަމާނީ ޓެކްނޮލޮޖީއާއެކު އެކުއަރކަލްޗަރ އަދި މެރިކަލްޗަރގެ ޒޯނެއްވެސް ހިމެނޭނެއެވެ. މި މަޝްރޫޢުން ސަރުކާރަށް ޖީއެސްޓީ، ޓީޖީއެސްޓީ، ޓޫރިޒަމް ލީސްރެންޓް އަދި ގްރީން ޓެކްސް ލިބި، ރާއްޖޭގެ ޓެކްސް ބޭސް ފުޅާވެގެންދާނެއެވެ. ޓައުންޝިޕް ތަރައްޤީކުރުމުގެ ހުއްދަ ކްރިސްޓަލްސް ހޯލްޑިންގްސް ޕްރައިވެޓް ލިމިޓެޑާ ހަވާލުކުރެވުނީ ނިމުނު ހަފުތާގެ ބުރާސްފަތި ދުވަހުއެވެ. މި މަޝްރޫޢު 2028 ވަނަ އަހަރުގެ ނިޔަލަށް ނިންމުމަށް ވަނީ ހަމަޖެހިފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0