Read Time:2 Minute, 35 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ދުވާފަރުގައި މަސްވެރިންގެ ދުވަހާ ގުޅިގެން 3 ދުވަހުގެ ކާބޯތަކެތީގެ ޚާއްސަ މައުރަޒެއް ފަށައިފިއެވެ. މި މައުރަޒަކީ މޯލްޑިވްސް ފިޝަރީޒް އެންޑް އޯޝަން ރިސޯސެސް މާކެޓިން ޕްރޮމޯޝަން ކޯޕަރޭޝަނުން އިންތިޒާމުކޮށްގެން “ފްރޮމް މޯލްޑިވްސް” ބްރޭންޑުގެ ދަށުން ބާއްވާ މައުރަޒެކެވެ. މިމަހުގެ 11 އިން 13 އަށް ކުރިއަށްދާ މި މައުރަޒު ހުޅުވައިދެއްވީ މަސްވެރިކަމާއި ކަނޑުގެ ވަސީލަތްތަކާ ބެހޭ ވަޒީރު އަޙްމަދު ޝިޔާމްއާއި، ކުންފުނީގެ މެނޭޖިން ޑިރެކްޓަރ ޑރ. މުޙައްމަދު އިބްރާހީމެވެ.
މައުރަޒުގައި ދުވާފަރާއި އެ އަތޮޅަށް ނިސްބަތްވާ ކާބޯތަކެތި ބައިވެރިކޮށްފައިވާއިރު، މިފްކޯއިން ފަސްމީރު ބްރޭންޑުގެ އުފެއްދުންތައްވެސް ދަނީ އިޝްތިހާރުކުރަމުންނެވެ. ޑރ. މުޙައްމަދު އިބްރާހީމް ވިދާޅުވީ ރަށްފުށުގައި އުފައްދާ މަހުގެ އެކި ބާވަތްތަކުގެ އުފެއްދުންތައް އިތުރުކުރުމަށް މިފަދަ ހަރަކާތްތަކުން ވަރަށް ބޮޑު ހިތްވަރެއް ލިބިގެންދާ ކަމަށެވެ. މައުރަޒުގައި ބައިވެރިވި ފަރާތްތަކުން ބުނީ މިއީ ރަށުގައި ތިބެގެން މަސައްކަތްކުރާ ފަރާތްތަކަށް އެމީހުންގެ އުފެއްދުންތައް ތަޢާރަފްކޮށް މާކެޓްކުރުމަށް ލިބުނު މުހިންމު ފުރުސަތެއް ކަމަށެވެ. މަސްވެރިންގެ ދުވަހާ ގުޅިގެން ދުވާފަރުގައި ކުޑަކުދިންގެ ހަވީރެއް، މަސްރޭހެއް އަދި ކެއްކުމުގެ މުބާރާތެއްވެސް ބޭއްވުމަށް ވަނީ ރާވާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0