Read Time:2 Minute, 58 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ރ. ދުވާފަރުގައި މަސްވެރިންގެ ދުވަހާ ގުޅުވައިގެން ބޭއްވި މަސްވެރިންގެ ގުންޒަރު ނިމިއްޖެއެވެ. ރާއްޖޭގެ 9 އަތޮޅަކުން 40 އަށްވުރެ ގިނަ މަސްވެރިންނާއި މަސްވެރިކަމުގެ ސިނާޢަތުގައި ހަރަކާތްތެރިވާ 4 އުފެއްދުންތެރިން މި ދެ ދުވަހުގެ ގުންޒަރުގައި ބައިވެރިވިއެވެ. މި ގުންޒަރުގައި ބޭއްވުނު ޕެނަލް ޑިސްކަޝަންގައި މަސްވެރިކަމާއި ކަނޑުގެ ވަސީލަތްތަކާ ބެހޭ ވަޒީރު އަޙްމަދު ޝިޔާމާއި، ވުޒާރާގެ ޓެކްނިކަލް ބޭފުޅުންނާއި މިފްކޯގެ ސީއީއޯ ފަރުހަތު ޝަހީރު ބައިވެރިވިއެވެ. ވަޒީރުގެ ބަހުން، މަސްވެރިން ޝައުޤުވެރިކަމާއެކު ބައިވެރިވެ، ގިނަ ކަންބޮޑުވުންތަކަށް ޖަވާބުދާރީވެވުނެވެ. ބަދަލުވަމުންދާ މަސްވެރިކަމުގެ ސިނާޢަތުގައި ރައީސުލްޖުމްހޫރިއްޔާގެ މެނިފެސްޓޯ ތަންފީޒުކުރުމަށް މަސްވެރިންގެ ޚިޔާލު މުހިންމުކަމަށް ވަޒީރު ފާހަގަކުރެއްވިއެވެ.
ގުންޒަރުގައި އެމްއެންޑީއެފް ކޯސްޓްގާޑުން ކަނޑުގެ ސަރަހައްދު ބެލެހެއްޓުމާބެހޭ މަޢުލޫމާތު ދިނުމުގެ އިތުރުން، އިންޑިއާ ކަނޑުގެ ކަނޑުމަހުގެ ސްޓޮކް އެސެސްމަންޓް ހެދުމުގައި ރާއްޖޭގެ ދައުރާއި، ޒުވާނުން މަސްވެރިކަމަށް ނެރުމުގެ މުހިންމުކަމާއި، މަސްވެރިކަމުގެ ޤާނޫނު ތަންފީޒުކުރުމުގެ މަސައްކަތްތަކާބެހޭ މަޢުލޫމާތު ހިއްސާކުރެވުނެވެ. ބައިވެރިންގެ ބުނުމުގައި، މި ގުންޒަރުން މަސްވެރިކަމުގެ ގޮންޖެހުންތައް ހިއްސާކުރުމުގެ ފުރުޞަތު ލިބި، ސަރުކާރުގެ އިދާރާތަކުން ޖަވާބުދާރީވެފައިވާކަމަށާއި، މަޝްވަރާތަކުގެ އަލީގައި ކަންކަން ތަންފީޒުވާން ފެށުމުން ބަދަލުތަކެއް ފެންނާނެކަމަށް އުންމީދުކުރެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0