ޢުމްރާގެ އަޅުކަން އަދާކުރާ ފަރާތްތަކަށް މޯލްޑިވިއަނުން ޚާއްސަ ދަތުރުތަކެއް

Read Time:5 Minute, 30 Second

(ފޮޓޯ ކްރެޑިޓްސް: މޯލްދިވިއަން)

ޤައުމީ އެއަރލައިން މޯލްޑިވިއަނުން ޢުމްރާގެ އަޅުކަމަށްދާ މީހުންނަށް ޚާއްސަ ދަތުރުތަކެއް ބޭއްވުމަށް ނިންމައިފިއެވެ. މޯލްޑިވިއަނުން ޢުމްރާގެ ދަތުރުތައް އެންމެ ފުރަތަމަ ފަށާފައިވަނީ މި އަހަރުގެ ޖުލައި މަހުގެ ތެރޭގައިއެވެ. މޯލްޑިވިއަނުން ޢުމްރާ ދަތުރުކުރަނީ އެ ކުންފުންޏަށް ގެނައި ވައިޑް-ބޮޑީ މަތިންދާބޯޓުގައެވެ. ދިވެހިރާއްޖޭގެ ޤައުމީ އެއަރލައިން މޯލްޑިވިއަނުން ވިދާޅުވީ ކުރިއަށް އޮތް ސްކޫލް ބަންދާ ދިމާކޮށް، މާލެއިން ޖިއްދާއަށް ސީދާ ދަތުރުތަކެއް ބޭއްވުމަށް ނިންމާފައިވާކަމަށެވެ. މި ދަތުރުތަކަކީ ޢުމްރާއަށް ދިއުމަށް ރާވާފައިވާ ދިވެހިންނަށް ވަރަށް ފަސޭހަ ދަތުރުތަކެއްކަމަށް ވިދާޅުވިއެވެ.

މޯލްޑިވިއަނުން ވިދާޅުވީ މާލެއިން ޖިއްދާއަށް ދަތުރުކުރުމަށް 3 ފްލައިޓެއް އޮޕަރޭޓްކުރާނެކަމަށެވެ. އެގޮތުން ދަތުރުތައް ބާއްވާނީ މިމަހުގެ 27 އަދި 28 ވަނަ ދުވަހުކަމަށެވެ. އަދި ޖިއްދާއިން މާލެއަށް އައުމަށް ތިން ފްލައިޓެއް އޮޕަރޭޓު ކުރާއިރު ދަތުރުތައް އޮންނާނީ އަންނަ އަހަރުގެ ޖެނުއަރީ މަހުގެ 10، 11 އަދި 12 ވަނަ ދުވަހުގައިކަމަށް ވިދާޅުވިއެވެ.

Begin your Umrah journey with comfort and ease.

Fly direct from Malé to Jeddah this December, with return fares from USD 750 and a generous 45kg baggage allowance.

Limited seats available.

Book now via [email protected] or contact 1671, including WhatsApp.#maldivianaero pic.twitter.com/8lxrkMvbq5

— MaldivianAero (@MaldivianAero) December 11, 2025

މި ޝެޑިއުލްގެ ސަބަބުން، ޢުމްރާގެ ކަންކަން ފުރިހަމަކުރުމަށްޓަކައި ޖިއްދާގައި ގިނަ ވަގުތު ހޭދަކުރުމުގެ ފުރުޞަތު ދަތުރުވެރިންނަށް ލިބިގެންދާނެކަމަށް ވިދާޅުވިއެވެ. މީގެ އިތުރުން، ސްކޫލް ބަންދާ ދިމާކޮށް މި ދަތުރުތައް ހަމަޖައްސާފައިވުމުން، އާއިލާތަކަށް އެއްކޮށް ދަތުރުކުރުން އިތުރަށް ފަސޭހަވެގެންދާނެކަމަށް މޯލްޑިވިއަނުން ވިދާޅުވިއެވެ. މޯލްޑިވިއަނުން ވިދާޅުވީ ޢުމްރާއަށް ދިޔުމަށް ކުރާ ޚާއްސަ ދަތުރުތަކުގެ ޓިކެޓުގެ އަގު ފެށޭނީ 750 އެމެރިކާ ޑޮލަރުންކަމަށެވެ. މީގެ ތެރޭގައި 45 ކިލޯގެ ބެގޭޖް އެލަވަންސެއް ހިމެނޭއިރު، މިއީ ދަތުރުކުރާ ފަރާތްތަކަށް އިތުރު ފަސޭހައެއް ލިބިގެންދާނެ ކަމެއްކަމަށް ވިދާޅުވިއެވެ. މި އެލަވަންސްގެ ސަބަބުން، ޒަމްޒަމް ފެންފަދަ ހުއްދަ ތަކެއްޗާއެކު އެނބުރި އަންނަ ފަރާތްތަކަށްވެސް ފަސޭހަތަކެއް ލިބިގެންދާނެކަމަށާއި މިކަމުގެ ސަބަބުން އެފަރާތްތަކުގެ ބޭނުންތަކަށް އިތުރު ފަސޭހައެއް ލިބިގެންދާނެކަމަށް މޯލްޑިވިއަނުން ވިދާޅުވިއެވެ.

އުމްރާއަށް ޚާއްސަ ދަތުރުތަކުގެ އިތުރުން މޯލްޑިވިއަނުން ވަނީ މިއަހަރު ރާއްޖެއިން ޙައްޖަށް ދިޔަ ޙައްޖާޖީން ގެންދިއުމަށް ސަޢޫދީއަށް 2 ދަތުރުކޮށްފައެވެ. މީގެ އިތުރުން މޯލްޑިވިއަނުން ދަނީ އަހަރުގެ ބޮޑު ޗުއްޓީއާއި ދިމާކޮށް ދުނިޔޭގެ އެކި މަންޒިލްތަަކަށް ދަތުރުތައް ބާއްވަމުންނެއެވެ. މޯލްޑިވިއަންގެ ފްލީޓުގައި މިވަގުތު 25 މަތިންދާބޯޓު ހިމެނެއެވެ. މީގެ ތެރޭގައި ވައިޑް-ބޮޑީ އެއަރބަސް އޭ330، ނެރޯ-ބޮޑީ އެއަރބަސް އޭ320 މަރުކާގެ މަތިންދާބޯޓަކާއި، އޭޓީއާރު މަރުކާގެ 5 މަތިންދާބޯޓަކާއި، ޑޭޝް 8 މަރުކާގެ 8 މަތިންދާބޯޓާއި، އަދި ޑޭޝް 6 މަރުކާގެ ޓްވިންއޮޓާރ 11 މަތިންދާބޯޓު ހިމެނެއެވެ.