Read Time:3 Minute, 10 Second
(ފޮޓޯ ކްރެޑިޓްސް: ބީއެމްއެލް)
ބޭންކް އޮފް މޯލްޑިވްސް (ބީއެމްއެލް) އިން އަލިޕޭ ޕްލަސް އަދި ވިޒިޓް މޯލްޑިވްސް ކޯޕަރޭޝަން (ވީއެމްސީ) އާ އެކު އެއްބަސްވުމެއްގައި ސޮއިކޮށްފިއެވެ. މި އެއްބަސްވުމުގެ މައިގަނޑު މަޤުޞަދަކީ ރާއްޖޭގައި މާލީ މުޢާމަލާތްތައް އިތުރަށް ހަރުދަނާކޮށް، ފަތުރުވެރިކަމުގެ ސިނާޢަތް އިސްތިހާރުކުރުމެވެ. މި އެއްބަސްވުމުގައި ބީއެމްއެލްގެ ސީއީއޯ މުޙައްމަދު ޝަރީފާއި، ވީއެމްސީގެ މެނޭޖިން ޑިރެކްޓަރ އިބްރާހިމް ޝިއުރީ އަދި އަލިޕޭގެ ކަންޓްރީ މެނޭޖަރ ސިޓިޕޮންގް ކިޓިޕްރަޕޮންގް ސޮއިކުރެއްވިއެވެ.
މި އެއްބަސްވުމުގެ ދަށުން، އަންނަ އަހަރުން ފެށިގެން ތިން ފަރާތް ގުޅިގެން ރާއްޖޭގެ ފަތުރުވެރިކަން އިސްތިހާރުކުރުމަށް މަސައްކަތް ކުރާނެއެވެ. ޚާއްސަކޮށް، އޭޝިއާގެ މާކެޓްތަކުގައި ރާއްޖެ އެންމެ މަޤުބޫލު މަންޒިލަކަށް ހެދުމަށާއި، ވިޔަފާރިތަކަށް ފައިސާ ބަލައިގަތުން ފަސޭހަކޮށް، އެ މާކެޓްތަކުން އަންނަ ފަތުރުވެރިންނަށް ލުއިފަސޭހަ ތަޖުރިބާތަކެއް ފޯރުކޮށްދިނުމަށް މި މަސައްކަތްތައް ކުރެވޭނެއެވެ.
އަލިޕޭ ޕްލަސްއާ އެކު ސޮއިކުރި ވަކި އެއްބަސްވުމަކުން، ރާއްޖޭގައި އީޖާދީ އަދި ރައްކާތެރިކަމާއެކު މާލީ މުޢާމަލާތްތައް ކުރެވޭނެ ގޮތެއް ތަޢާރަފުކުރެވޭނެއެވެ. މީގެ ތެރޭގައި ކިޔުއާރު ކޯޑު ބޭނުންކޮށްގެން ފައިސާގެ މުޢާމަލާތްތައް ކުރެވޭ ނިޒާމު ފުޅާކުރުމާއި، ބީއެމްއެލް ސްވައިޕް އެޕްގައި އަލިޕޭ ޕްލަސްގެ ފީޗަރތައް ހިމެނުން ހިމެނެއެވެ. ބީއެމްއެލްއިން މިހާރުވެސް އެމެރިކަން އެކްސްޕްރެސް، ވީސާ، މާސްޓަރކާޑް، އަދި ޔޫނިއަންޕޭގެ އިތުރުން ބީއެމްއެލް ޕޭ، ވީޗެޓް ޕޭ، އަލިޕޭ، އެޕަލް ޕޭ އަދި ގޫގުލް ޕޭ ފަދަ ޑިޖިޓަލް ވޮލެޓްތަކުން ކުރާ މުޢާމަލާތްތައް ޕްރޮސެސްކުރެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0