Read Time:3 Minute, 29 Second
އިޤްތިޞާދީ ތަރައްޤީއާއި ވިޔަފާރިއާ ބެހޭ ވަޒީރު މުޙައްމަދު ސަޢީދު ވިދާޅުވީ، ސްޕެޝަލް އިކޮނޮމިކް ޒޯން (އެސްއީޒެޑް) ޤާނޫނަށް ގެނެވުނު އިސްލާހުތަކާއެކު އިންވެސްޓަރުންގެ އިތުބާރު ބޮޑުވެ، ރާއްޖޭގައި އިންވެސްޓްކުރުމަށް ޝައުޤުވެރިކަން އިތުރުވެފައިވާ ކަމަށެވެ. އެމަނިކުފާނު މިހެން ވިދާޅުވީ އެސްއީޒެޑް ޤާނޫނުގެ ދަށުން ކްރިސްޓަލް ހޯލްޑިގްސްއަށް ސަސްޓެއިނަބަލް ޓައުންޝިޕެއް ތަރައްޤީކުރުމުގެ ހުއްދަ ދިނުމަށް ބޭއްވި ރަސްމިއްޔާތުގައެވެ. ވަޒީރު ފާހަގަކުރެއްވި ގޮތުގައި، 2014 ވަނަ އަހަރު އެސްއީޒެޑް ޤާނޫނު އެކުލަވާލި ނަމަވެސް، ގާތްގަނޑަކަށް 12 އަހަރު ދުވަހުގެ ތެރޭގައި އެއްވެސް މަސައްކަތެއް ޢަމަލީގޮތުން ކުރެވިފައެއް ނުވެއެވެ. ރައީސް ޑރ. މުޙައްމަދު މުޢިއްޒުގެ މެނިފެސްޓޯގައި ރާއްޖޭގެ އިޤްތިޞާދު ތަފާތުކުރުމަށް ވަރަށް ބޮޑަށް އިސްކަންދެއްވާފައިވާތީ، އެސްއީޒެޑް އެކްޓިވޭޓްކުރުމަކީ މި ސަރުކާރުން ކުރި މުހިންމު ކަމެކެވެ.
ކުރީގެ ޤާނޫނުގައި ގިނަ ޓެކްސްތަކެއް މާފުވާ ގޮތަށް ހުރި ނަމަވެސް، މިހާރު އެކަން ބަދަލުކޮށް، ދަޢުލަތަށް ލިބެންޖެހޭ ފައިސާތައް ޙިމާޔަތްވާ ގޮތަށް ބައުންޑްރީސްތަކެއް ގެނެސްފައިވާ ކަމަށް ވަޒީރު ސަޢީދު ވިދާޅުވިއެވެ. މި ބަދަލުތަކާއެކު، އިންވެސްޓަރުންނަށް ހިންހަމަޖެހޭ ގޮތަށް ޤާނޫނު ޑިޒައިންކުރެވިގެން ދިޔައެވެ. ސްޓްރެޓީޖިކް 9 ދާއިރާއާއެކު، ރައީސްގެ ޤަރާރުގައި ހިމެނުނު 10 ވަނަ ދާއިރާއަކީ ސަސްޓެއިނަބަލް ޓައުންޝިޕް ޑިވެލޮޕްކުރުމެވެ.
އެސްއީޒެޑް ޤާނޫނަށް ގެނެވުނު އިސްލާހާއެކު، އިޤުތިޞާދީ މަސައްކަތްތައް ކުރުމަށް ވަކި ސަރަޙައްދުތައް ދޫކުރާ ގޮތަށް މަޝްރޫޢުތައް ހިންގުމަށް އިންވެސްޓަރުންނަށް ހުޅުވާލެވުނެވެ. މިހާރު ބޯޑް އޮފް އިންވެސްޓްމަންޓުން ވަނީ ކްރިސްޓަލް ހޯލްޑިންގްސް ޕްރައިވެޓް ލިމިޓެޑަށް ސަސްޓެއިނަބަލް ޓައުންޝިޕް ޕްރޮޖެކްޓެއް ހިންގުމުގެ ހުއްދަ ދޫކޮށްފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0