Read Time:3 Minute, 3 Second
ރާއްޖޭގައި ސްޕެޝަލް އިކޮނޮމިކް ޒޯން (އެސްއީޒެޑް) ގެ ދަށުން ފުރަތަމަ ފަހަރަށް ސަސްޓެއިނަބަލް ޓައުންޝިޕް ޕްރޮޖެކްޓެއް ހިންގުމުގެ ހުއްދަ ކްރިސްޓަލް ހޯލްޑިންގްސް ޕްރައިވެޓް ލިމިޓެޑަށް ރަސްމީކޮށް ދީފިއެވެ. މި މަޝްރޫޢު ހިންގާނީ ނ. އަތޮޅުގައެވެ.
އެސްއީޒެޑް ޤާނޫނު 2014 ވަނަ އަހަރު އެކުލަވާލި ނަމަވެސް، އޭގެފަހުން އިންވެސްޓަރުންނަށް ލުއިތަކެއް ލިބޭ ގޮތަށް ގިނަ ބަދަލުތަކެއް ގެނެސް، ރައީސް މިވަނީ އެ ބިލު ތަސްދީޤުކުރައްވާފައެވެ. މި އިޞްލާޙާއެކު، އިޤްތިޞާދީ މަސައްކަތްތަކަށް ވަކި ސަރަޙައްދުތަކެއް ކަނޑައަޅައި، މަޝްރޫޢުތައް ހިންގުމަށް އިންވެސްޓަރުންނަށް ވަނީ ހުޅުވާލާފައެވެ. އެސްއީޒެޑްގެ ދަށުން މަޝްރޫޢުތައް ހިންގުމުގެ ހުއްދަ ދޫކުރާ ބޯޑް އޮފް އިންވެސްޓްމަންޓުން މިހާރު ވަނީ ކްރިސްޓަލް ހޯލްޑިންގްސް ޕްރައިވެޓް ލިމިޓެޑަށް މި ހުއްދަ ދޫކޮށްފައެވެ.
ކްރިސްޓަލް ހޯލްޑިންގްސް ޕްރައިވެޓް ލިމިޓެޑްގެ ސީއީއޯ ވަނީ މި ހުއްދަ ލިބުމުން އުފާކުރައްވައި، ޓައުންޝިޕެއް ޤާއިމުކުރުމަށް އެފަދަ ހުއްދައެއް ލިބުނު ފުރަތަމަ ކުންފުންޏަކަށް ވުމަކީ ޝަރަފެއްކަމަށް ވިދާޅުވެފައެވެ. މީގެ އިތުރުން، މި ޕްރޮޖެކްޓަކީ ރާއްޖޭގެ އިޤްތިޞާދީ ތަރައްޤީއަށް މުހިންމު ދައުރެއް އަދާކުރާނެ މަޝްރޫޢެއްކަމަށާއި، އިޖްތިމާޢީ ގޮތުންވެސް ބޮޑެތި ފައިދާތަކެއް ކުރާނެކަން އޭނާ ފާހަގަކުރެއްވިއެވެ. ސަރުކާރުގެ ވިޔަފާރިއަށް ލުއިދޭ ސިޔާސަތުގެ އެހީތެރިކަމަށް ޝުކުރު އަދާކުރައްވައި، 2028 ވަނަ އަހަރުގެ ކުރިން މި ޕްރޮޖެކްޓް ނިންމާ އޮޕަރޭޝަނަށް ގެނައުމަށް ކުންފުނިން ކުރަންޖެހޭ ހުރިހާ މަސައްކަތެއް ކުރާނެކަމުގެ ޔަޤީންކަން ސީއީއޯ ދެއްވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0