Read Time:4 Minute, 15 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ނޮވެމްބަރު މަހު މީރާއަށް 2.20 ބިލިއަން ރުފިޔާގެ ޢާމްދަނީއެއް ލިބިފައިވާއިރު، މިއީ މިދިޔަ އަހަރުގެ ނޮވެމްބަރު މަހާ އަޅާބަލާއިރު 16.6 އިންސައްތަ އިތުރު ޢަދަދެކެވެ. މި ޢާމްދަނީ އިތުރުވުމުގެ މައިގަނޑު ސަބަބުތަކަކީ ޓޫރިޒަމް ދާއިރާގެ ޖީއެސްޓީ، ގްރީން ޓެކްސް އަދި އެއަރޕޯޓު ޓެކްސްގެ އާމްދަނީ އިތުރުވުމެވެ. އެގޮތުން މިދިޔަ އަހަރުގެ އޮކްޓޫބަރު މަހަށްވުރެ މިއަހަރުގެ އޮކްޓޫބަރު މަހު ފަތުރުވެރިންގެ ޢަދަދު 10.3 އިންސައްތަ އިތުރުވުމުގެ ސަބަބުން ފަތުރުވެރިކަމުގެ ދާއިރާއިން ލިބުނު ޢާމްދަނީ ވަނީ އިތުރުވެފައެވެ. އަދި މި އަހަރުގެ ޖެނުއަރީ 1 އިން ފެށިގެން ގްރީން ޓެކްސްގެ ރޭޓު ބޮޑުކުރުމާއި، މިދިޔަ އަހަރުގެ ޑިސެމްބަރު މަހުން ފެށިގެން އެއަރޕޯޓު ޓެކްސް އަދި ފީ ތަކުގެ ރޭޓުތައް ބޮޑުކުރުމަކީވެސް ޢާމްދަނީ އިތުރުވި މުހިންމު ސަބަބުތަކެކެވެ.
ނޮވެމްބަރު މަހު އަންދާޒާކުރި ޢާމްދަނީއަށްވުރެ 6.7 އިންސައްތަ އިތުރުވެފައިވަނީ ގްރީން ޓެކްސްއާއި ފަތުރުވެރިކަމުގެ ދާއިރާ ނޫން އެހެން ދާއިރާތަކުގެ ޖީއެސްޓީގެ ގޮތުގައި ލިބުނު ޢާމްދަނީ އިތުރުވުމުގެ ސަބަބުންނެވެ. މީގެއިތުރުން ބިން ވިއްކުމާއި ބިން ބަދަލު ކުރުމުގެ ފީއިން ލިބުނު ޢާމްދަނީއަކީވެސް އަންދާޒާކޮށްފައިނުވާ ޢާމްދަނީއެވެ. ނޮވެމްބަރު މަހު ލިބުނު ޢާމްދަނީގެ އެންމެ ބޮޑު ބައެއް ހިއްސާކުރަނީ ފަތުރުވެރިކަމުގެ ދާއިރާއިން ލިބުނު ޖީއެސްޓީއެވެ، އެއީ 1.30 ބިލިއަން ރުފިޔާއެވެ. ދެވަނައަށް އެންމެ ބޮޑު ޢަދަދަކީ 191.06 މިލިއަން ރުފިޔާ ގްރީން ޓެކްސްއިން ލިބުނު ޢަދަދެވެ. އަދި އެއަރޕޯޓު ޑިވެލޮޕްމަންޓް ފީގެ ގޮތުގައި 175.87 މިލިއަން ރުފިޔާ އާއި ޑިޕާޗަރ ޓެކްސްގެ ގޮތުގައި 164.99 މިލިއަން ރުފިޔާ ލިބިފައިވެއެވެ. މީގެ އިތުރުން ޢާމްދަނީން ނަގާ ޓެކްސްގެ ގޮތުގައި 131.67 މިލިއަން ރުފިޔާ އަދި ވަރކްޕަރމިޓް ފީގެ ގޮތުގައި 63.86 މިލިއަން ރުފިޔާ ލިބިފައިވެއެވެ.
ނޮވެމްބަރު މަހުގެ ޢާމްދަނީގެ 19.7 އިންސައްތައަކީ ކުރީގެ ސުންގަނޑިތަކަށް ދައްކާފައިވާ ފައިސާއެވެ. އަދި 21 އިންސައްތައަކީ ނުދެއްކި ހުރި ފައިސާ ހޯދުމަށް ކުރި މަސައްކަތުން ލިބިފައިވާ ޢާމްދަނީއެވެ. ނޮވެމްބަރު މަހު ލިބުނު ޢާމްދަނީގެ ތެރޭގައި 103.23 މިލިއަން އެމެރިކާ ޑޮލަރުވެސް ހިމެނެއެވެ، މިއީ މިދިޔަ އޮކްޓޫބަރު މަހަށްވުރެ އިތުރު ޢަދަދެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0