Read Time:1 Minute, 43 Second
މާލޭ ސިޓީގެ މޭޔަރު އާދަމް އާޒިމް ބައިވެރިވެވަޑައިގެންނެވި މުޒާހަރާއެއްގެ ތެރެއިން މީހަކު އޭނާއަށް ދިން ހަމަލާއަކީ ސަރުކާރުން ރާވައިގެން ކުރި ކަމެއް ކަމަށް އާޒިމް ތުހުމަތުކުރައްވައިފިއެވެ. މި ހާދިސާ ހިނގާފައިވަނީ ރޭ އެމްޑީޕީން ބޭއްވި މުޒާހަރާގެ ތެރެއިން ކަމަށްވާއިރު، އާޒިމްގެ މޭގައި އަތްލައި ކޮށްޕާލި ވަގުތު އޭނާގެ ކައިރީގައި ތިބި މީހުން ވަނީ އޭނާގެ ހިމާޔަތުގައި އެ މީހާއަށް ހަމަލާދީފައެވެ. ނަމަވެސް، ރައީސް އޮފީހުގެ ތަރުޖަމާނު މުޙައްމަދު ޙުސައިން ޝަރީފް ވަނީ މިއީ ކަނޑައެޅިގެން ދޮގު ވާހަކައެއް ކަމަށް ވިދާޅުވެ، މި ހަމަލާ ކުށްވެރިކުރައްވާފައެވެ. ފުލުހުންގެ ތަހުގީގަކާ ނުލައި ސަރުކާރުގެ ބޮލުގައި މިފަދަ އިލްޒާމެއް އެޅުވުމުން ގިނަ ބައެއްގެ ފާޑުކިޔުން އާޒިމަށް އަމާޒުވެފައިވާއިރު، މިއީ އާޒިމް އަމިއްލައަށް ރާވައިގެން ހިންގި ކަމެއް ކަމަށް ވެސް ބައެއް ފަރާތްތަކުން ތުހުމަތުކުރެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0