Read Time:2 Minute, 32 Second
(ފޮޓޯ ކްރެޑިޓްސް: ޕީއެސްއެމް ނިއުސް)
މިއަހަރުގެ ފުރަތަމަ ކުއާޓަރުގައި ސަރުކާރުން އެންމެ ބޮޑު އިސްކަމެއް ދީފައިވަނީ ދަރަނިތައް ދެއްކުމަށެވެ. އެގޮތުން، ރާއްޖެ ބަނގުރޫޓުވެދާނެ ކަމަށް ބައިނަލްއަޤްވާމީ މާލީ އިދާރާތަކުން ލަފާކުރި ނަމަވެސް، ސަރުކާރުން ވަނީ ހަރުދަނާ ފިޔަވަޅުތަކާއެކު ބޮޑެތި ދަރަނިތަކެއް އަދާކޮށްފައެވެ. އޭގެ ތެރޭގައި 2021 ވަނަ އަހަރު ނެގި 500 މިލިއަން ޑޮލަރުގެ ސުކޫކާއި އޭގެ ކޫޕަން ޕޭމަންޓަށްވާ 25 މިލިއަން ޑޮލަރު، އިތުރު ދަރަންޏެއް ނުނަގައި ސޮވެރިން ޑިވެލޮޕްމެންޓް ފަންޑާއި ރިޒާވް ބޭނުންކޮށްގެން ވަނީ ދައްކާފައެވެ.
މީގެ އިތުރުން، އިންޑިއާގެ މަރުކަޒީ ބޭންކުން ނަގާފައިވާ 400 މިލިއަން ޑޮލަރުގެ ލޯނާއި، ސްޓޭޓް ބޭންކް އޮފް އިންޑިއާއަށް ދައްކަންޖެހޭ 50 މިލިއަން ޑޮލަރު ވެސް ވަނީ ދައްކާ ޚަލާސްކޮށްފައެވެ. އަދި އިންޑިއާއާއެކު ވެވުނު ކަރަންސީ ސްވޮޕް އެއްބަސްވުމެއްގެ ދަށުން ލުއި ލޯނު ފެސިލިޓީއެއް ހަމަޖެހިފައިވާއިރު، އަބޫދާބީ ފަންޑުގެ 100 މިލިއަން ޑޮލަރުގެ ދަރަނި ދެއްކުން ވަނީ ފަސްކޮށްދީފައެވެ. ޗައިނާ ފަދަ ޤައުމުތަކާއެކު ކުރެވުނު މަޝްވަރާތަކުން ދަރަނި ދެއްކުމުގައި ލުއިތަކެއް ހޯދައި، އިތުރު ދަރަނި ނުނަގައި ދަރަނި އަދާކުރުމުގެ ސިޔާސަތެއް ސަރުކާރުން ގެންގުޅުމަކީ ރާއްޖޭގެ އިޤްތިޞާދީ ވިލުންތެރިކަމާއި މާލީ ނިޒާމުގެ ހަރުދަނާކަން ހާމަކޮށްދޭ ކަމެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0