Read Time:1 Minute, 49 Second
މާލޭގެ މޭޔަރު އާދަމް އާޒިމަށް މުޒާހަރާއެއްގެ ތެރެއިން ބަޔަކު ހަމަލާދިނީ ސަރުކާރުން ރާވައިގެން ކަމަށް އޭނާ ކުރެއްވި ތުހުމަތުތައް ރައީސް އޮފީހުގެ ތަރުޖަމާނު މުޙައްމަދު ޙުސައިން ޝަރީފް (މުންދު) ދޮގުކުރައްވައިފިއެވެ. މުންދު ވިދާޅުވީ މިއީ ކަނޑައެޅިގެން އިތުރުފުޅެއް ކަމަށާއި، މިފަދަ ދަށުދަރަޖައިގެ ވާހަކަތައް ދެއްކެވުމަކީ ބަލައިގަނެވޭނެ ކަމެއް ނޫން ކަމަށެވެ. މޭޔަރަށް ދިން ހަމަލާ ސަރުކާރުން ކުށްވެރިކުރާއިރު، އާޒިމްގެ މި ތުހުމަތުތަކާ ގުޅިގެން އާންމުންގެ ބޮޑެތި ފާޑުކިއުންތަކެއް ވަނީ އަމާޒުވެފައެވެ. ގިނަ ބަޔަކު ދެކޭގޮތުގައި މިއީ ހަގީގަތެއް ނެތް ވާހަކަތަކެއްގެ މައްޗަށް ބިނާކޮށް، އާންމުންގެ ހަމްދަރުދީ ހޯދުމަށް އާޒިމް ކުރެއްވި ކަމެކެވެ. މި ހާދިސާއާ ގުޅިގެން ފުލުހުންގެ ބަހެއް އަދި ލިބިފައި ނުވާއިރު، ތަހުގީގަކާ ނުލައި މިފަދަ ބޮޑު ތުހުމަތެއް ކުރުމުން އާޒިމް މައާފަށް އެދެންޖެހޭނެ ކަމަށްވެސް ބައެއް ފަރާތްތަކުން ބުނަމުންދެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0