Read Time:2 Minute, 34 Second
(ފޮޓޯ ކްރެޑިޓްސް: ޒުވާން މަސްވެރިޔާ)
މަސްވެރިކަމުގެ ސިނާޢަތުގައި ދިގުދެމިފައިވާ އެއް ކަންބޮޑުވުމަކީ ބާނާ މަހަށް ޤަވާއިދުން ފައިސާ ނުލިބުމެވެ. މީގެ ސަބަބުން މި ސިނާޢަތަށް ނިކުންނަ ދިވެހިންގެ އަދަދު ދަށްވަމުން ދިޔައެވެ. މި ސަރުކާރު ވެރިކަމާ ހަވާލުވިއިރު، މަސްވެރިންނަށް މިފްކޯއިން 250 މިލިއަން ރުފިޔާގެ ބެކްލޮގްއެއް ދައްކަން ޖެހިފައިހުރިއެވެ. މީގެ އެއް ސަބަބަކީ ކުރީގެ ސަރުކާރުން ކެމްޕޭން ދުވަސްވަރު މަހުގެ އަގު ކިލޯއަކަށް 25 ރުފިޔާއަށް ބޮޑުކުރުމުން މިފްކޯއަށް ތަޙައްމަލުކުރަން ދަތިވުމެވެ.
ނަމަވެސް، މި ސަރުކާރުން ވަނީ މި 250 މިލިއަން ރުފިޔާގެ ބެކްލޮގް އެއްކޮށް ދައްކާ ޚަލާސްކޮށްފައެވެ. އަދި މަސް ކިރުމަށްފަހު އެންމެ ލަސްވެގެން 48 ގަޑިއިރުގެ ތެރޭގައި މަސްވެރިންނަށް ފައިސާ ލިބޭނެ އިންތިޒާމު ހަމަޖައްސާފައިވެއެވެ. މި އިންތިޒާމުގެ ދަށުން، ސަރުކާރު ބަންދު ދުވަސްތަކުގައިވެސް ކޮންމެ ދުވަހަކު މަސްވެރިންނަށް ފައިސާ ދޫކުރެވެމުންދެއެވެ. މިދިޔަ އަހަރުގެ މަސްވެރިންގެ ދުވަހުން ފެށިގެން މިހާތަނަށް 58,510 ޓަނުގެ މަހަށް ޖުމްލަ 900,322,300 ރުފިޔާ ވަނީ ދޫކޮށްފައެވެ. މަސްވެރިކަމުގެ ސިނާޢަތް އިތުރަށް ކުރިއެރުވުމަކީ ސަރުކާރުން ޚާއްސަ އިސްކަމެއް ދެއްވައިގެން ކުރައްވާ މަސައްކަތެކެވެ؛ އެއީ ރާއްޖެއަށް އެންމެ ބޮޑު އާމްދަނީއެއް ލިބޭ އެއް ސިނާޢަތަކަށް މަސްވެރިކަން ހެދުމުގެ އަމާޒުގައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
100 %
0
0