Read Time:4 Minute, 3 Second
(ފޮޓޯ ކްރެޑިޓްސް: އެފްޑީސީ)
ހުޅުމާލެ ދެވަނަ ފިޔަވަހީގައި އާބަން ޕްރައިމަރީ ހެލްތު ކެއަރ ނުވަތަ ޖެނެރަލް ޕްރެކްޓިސް (ޖީޕީ) ކްލިނިކެއް ތަރައްޤީކުރުމަށް ނިންމައިފިއެވެ. މި ކްލިނިކް ޤާއިމުކުރެވޭނީ ދެވަނަ ފިޔަވަހީގައި ހަދާފައިވާ 4،000 ފުލެޓުގެ ތެރެއިން އަމާން އުދަރެހުގެ ޓަވަރެއްގައެވެ. މިކަމުގެ އެއްބަސްވުމެއްގައި ހުޅުމާލެ ހޮސްޕިޓަލާއި ފަހި ދިރިއުޅުން ކޯޕަރޭޝަން (އެފްޑީސީ) އާ ދެމެދު ވަނީ ސޮއިކޮށްފައެވެ. މާލެ ސިޓީ ގުރޫޕް އޮފް ހޮސްޕިޓަލްސްގެ ސީއީއޯ އިބްރާހީމް އަބްދުއްރައްޒާގް ހަލީމް ވިދާޅުވީ، އަމާން އުދަރެސް ޓަވަރު ހަޔެއްގައި ޤާއިމުކުރެވޭ މި ކްލިނިކުން ކުޑަކުދިންނަށް ވެކްސިން ދިނުމާއި ބަރުދަން ބެލުން އަދި ކައުންސެލިންގެ ޚިދުމަތްފަދަ އިތުރު ޚިދުމަތްތައް ލިބޭނެކަމަށެވެ. މީގެ އިތުރުން، ޖީޕީ ކްލިނިކު މެދުވެރިކޮށް ސްޕެޝަލިސްޓުންނަށް އަވަހަށް އެޕޮއިންޓްމަންޓް ހަމަޖައްސައިދިނުމުގެ އިންތިޒާމުވެސް ހަމަޖެހޭނެއެވެ. މިހާރުވެސް ހުޅުމާލެ ދެވަނަ ފިޔަވަހީގައި ހިޔާ ޓަވަރު 16 ގައި 24 ގަޑިއިރު ޚިދުމަތްދޭ ޖީޕީ ކްލިނިކެއް ހިންގަމުންދާކަން އޭނާ ފާހަގަކުރެއްވިއެވެ.
ރައީސުލްޖުމްހޫރިއްޔާ ޑރ. މުޙައްމަދު މުއިއްޒުގެ ނިންމެވުމާ އެއްގޮތަށް މާލެ ސަރަހައްދުގައި ޖުމްލަ 6 ޖީޕީ ކްލިނިކް (މާލޭގައި 4، ހުޅުމާލޭގައި 2) ޤާއިމުކުރުމުގެ މަސައްކަތް ކުރިއަށްދާކަމަށް ސީއީއޯ ވިދާޅުވިއެވެ. ހެންވޭރުގައި ޤާއިމުކުރާ ޖީޕީ ކްލިނިކާއި މި އަލަށް ހަދާ ކްލިނިކް އެއްކޮށް ނިންމައި ހުޅުވުމަށް މަސައްކަތްކުރާކަމަށް އޭނާ ހާމަކުރެއްވިއެވެ.
މާލޭގައި މިދިޔަ މަހު ހުޅުވުނު ފުރަތަމަ ޖީޕީ ކްލިނިކުން ޞިއްޙީ އާންމު މަޢުލޫމާތު ދިނުމާއި މެޑިކަލް ޗެކަޕް އަދި އާންމު ބަލިތަކަށް ބޭސްފަރުވާ ކުރުމުގެ ޚިދުމަތް ދެއެވެ. މި މަރުކަޒުގައި ޖީޕީ ކްލިނިކަކާއި ކުޑަކުދިންގެ ހެލްތު ކްލިނިކާއި ވެލްނެސް ކްލިނިކެއް ހުރެއެވެ. އެތަނުން ކޮންމެ ދުވަހެއްގެ ހެނދުނު 8:30 އިން ރޭގަނޑު 10 އަށް ޚިދުމަތް ދޭއިރު، ހުކުރު ދުވަސްތަކުގައި މެންދުރުފަހު 3:30 އިން ރޭގަނޑު 10 އަށް ޚިދުމަތް ދެއެވެ. އަދި އާންމު ޞިއްޙަތު ކުރިއެރުވުމަށް ގައުމީ ފެންވަރުގައި ހިންގާ ޕްރޮގްރާމްތައްވެސް މި މަރުކަޒުގައި ކުރިއަށްގެންދާނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
100 %
0
0