Read Time:2 Minute, 29 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ލޯކަލް މާރުކޭޓް ސަރަޙައްދުން ފަށައިގެން ނޯތު ހާބަރާ ހަމައަށް ހިމެނޭ މަގު ޒަމާނީ ފެންވަރަށް ތަރައްޤީކުރުމުގެ މަސައްކަތް މިއަދު ފެށިއްޖެއެވެ. މިއީ ބޮޑުތަކުރުފާނު މަގުގެ ދެވަނަ ފިޔަވަހީގެ ގޮތުގައި އެމްޓީސީސީއާ ހަވާލުކޮށްގެން ކުރިއަށްގެންދާ މަޝްރޫޢުއެކެވެ. މި މަސައްކަތުގައި 250 މީޓަރުގެ ސަރަޙައްދެއް ހިމެނޭއިރު، 4 ލޭނަށް މަގު ތަރައްޤީކުރާނެއެވެ. އެމްޓީސީސީގެ އަމާޒަކީ ރޯދައިގެ ކުރިން މަސައްކަތް ނިންމައި މަގު ހުޅުވާލުމެވެ. ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ވަނީ މާލޭގެ ބާޒާރު ސަރަޙައްދުގެ މަގުތައް ފުޅާކޮށް ދެކޮޅަށް ދުއްވޭގޮތަށް ހަދައި ރޯދައިގެ ކުރިން ނިންމާނެކަމަށް ވިދާޅުވެފައެވެ.
(ފޮޓޯ ކްރެޑިޓްސް: އެމްޓީސީސީ)
މީގެކުރިން، މަގުހެދުމުގެ ފުރަތަމަ ފިޔަވަހީގެ ފުރަތަމަ ސެގްމަންޓްގެ މަސައްކަތް ނިންމާ، ލޯކަލް މާރުކޭޓް ސަރަޙައްދުން ފެށިގެން ހެންވޭރު ފެރީ ޓަރމިނަލްއާ ހަމައަށް ހިމެނޭ 140 މީޓަރުގެ ސަރަޙައްދު ވަނީ އިއްޔެ ހަވީރު އާއްމު ދަތުރުފަތުރުތަކަށް ހުޅުވާލާފައެވެ. އެމްޓީސީސީއާ ހަވާލުކޮށްފައިވާ މުޅި މަޝްރޫޢު ނިމޭއިރު ބޮޑުތަކުރުފާނު މަގުގެ 1088 މީޓަރުގެ ސަރަޙައްދެއް ތަރައްޤީކުރެވޭނެއެވެ. މަގުހެދުމުގެ ސަބަބުން ޓްރެފިކަށާއި ބަނދަރު ބޭނުންކުރުމަށް ބަދަލުތައް އަންނާނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0