Read Time:3 Minute, 27 Second
ލޯކަލް ކައުންސިލް އިންތިޚާބުގައި ވާދަކުރާ ކެންޑިޑޭޓުންނަށް ފަސޭހަ ކޮށްދިނުމުގެ ގޮތުން، ފޯމާއެކު ހުށައަޅަންޖެހޭ ކުށާއި ދަރަނީގެ ރެކޯޑު ސާފުކުރާ ނިޒާމަށް އިލެކްޝަންސް ކޮމިޝަނުން ވަނީ ލުއިތަކެއް ހޯދައިދީފައެވެ. މިގޮތުން، ޑިސެންބަރު 1 ވަނަ ދުވަހުން ފެށިގެން ސާފުކުރާ މި ރެކޯޑުތައް އީސީން ބަލައިގަންނާނެއެވެ. މީގެ ބޭނުމަކީ އެއްފަހަރާ ގިނަ ބަޔަކު ރެކޯޑު ސާފުކުރަން ހުށައެޅުމުން އިދާރާތަކަށް ކުރިމަތިވާ ބާރު ކުޑަކުރުމެވެ. ނަމަވެސް، ރެކޯޑު ފޯމުތައް ހުށައަޅަންޖެހޭނީ އިންތިޚާބަށް ކުރިމަތިލުމަށް ހުޅުވާލުމުންނެވެ.
ކުށާއި ދަރަނީގެ ރެކޯޑު ހިމެނޭ ތަކެތީގެ ތެރޭގައި ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަންގެ ރެކޯޑްސް ޕޯޓަލްއިން އުމުރަށް ނަގާފައިވާ ކުށާއި ދަރަނީގެ ރެކޯޑާއި، މޯލްޑިވްސް ކަރެކްޝަނަލް ސަރވިސަސްއިން ކުށުގެ ރެކޯޑު ސާފުކުރި ފޯމާއި، މޯލްޑިވްސް އިންލޭންޑް ރެވެނިއު އޮތޯރިޓީއަށް ދަރަނި ދައްކަން ކޯޓު ޙުކުމް ކޮށްފައިވާނަމަ އެ އޮތޯރިޓީން ސާފުކޮށްފައިވާ ދަރަނީގެ ރެކޯޑު ހިމެނެއެވެ.
އަންނަ އަހަރުގެ އޭޕްރީލް 4 ގައި ބާއްވާ މި އިންތިޚާބުގައި 226 ދާއިރާއަކުން ލޯކަލް ކައުންސިލްތަކުގެ މެންބަރުންނާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ މެންބަރުން އިންތިޚާބުކުރެވޭނެއެވެ. މިފަހަރުގެ އިންތިޚާބު އޮންނާނީ ބޮޑެތި ބަދަލުތަކަކާއެކުއެވެ؛ 2000 މީހުންނަށްވުރެ ކުޑަ އާބާދީ ހިމެނޭ ރަށްރަށަށް 3 ކައުންސިލަރުންނާއި، 2000 މީހުންނަށްވުރެ ބޮޑު އާބާދީއެއް ހިމެނޭ ރަށްރަށަށް 5 ކައުންސިލަރުން އިންތިޚާބުކުރެވޭނެއެވެ. އަދި އަތޮޅު ކައުންސިލްތައް އުވިގެންދާނެއެވެ. މީގެ އިތުރުން ފުރަތަމަ ފަހަރަށް އައްޑޫ ސިޓީގެ ހުޅުދޫއާއި މީދޫއަށް ވަކި ކައުންސިލްތަކެއް ލިބިގެންދާނެއެވެ. މި އިންތިޚާބަކީ ކޮންމެ ފަހަރަކުވެސް އެންމެ ގިނަ ކެންޑިޑޭޓުން ވާދަކުރާ އިންތިޚާބެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0