Read Time:3 Minute, 34 Second
ދާޚިލީ ސަލާމަތާއި ފަންނިއްޔާތާ ބެހޭ ވުޒާރާގެ ސްޓޭޓް މިނިސްޓަރ ޑރ. މުޙައްމަދު ކިނާނަތު ވިދާޅުވީ މޯލްޑިވްސް 2.0އާއި ޑޭޓާ ޕްރޮޓެކްޝަން ހިމެނޭހެން ފަންނިއްޔާތުގެ އެކި ދާއިރާތަކާ ބެހޭ ގިނަ ޤާނޫނުތަކެއް ހަދައި މަޖިލީހަށް ހުށައެޅުމުގެ މަސައްކަތްކުރަމުން އަންނަކަމަށެވެ. މިކަން ހާމަކުރެއްވީ ދިވެހި ފުލުހުންގެ ޚިދުމަތުގެ އެޕްލިކޭޝަން އިފްތިތާޙުކުރުމުގެ ރަސްމިއްޔާތެއްގައެވެ. ރައީސް ޑރ. މުޙައްމަދު މުޢިއްޒު އިޢުލާންކުރައްވާފައިވާ މޯލްޑިވްސް 2.0 ޑިޖިޓަލް ޓްރާންސްފޮމޭޝަން ސިޔާސަތުގައި ހިމެނެނީ ޑިޖިޓަލް އައިޑެންޓިޓީއެއް ޤާއިމުކުރުމާއި ސައިބަރ ސެކިއުރިޓީ ވަރުގަދަކުރުމުގެ އިތުރުން އެކި އިދާރާތަކުގެ ޕޯޓަލްތަކާއި އެޕްލިކޭޝަންތައް ގުޅުވާލުމެވެ. މިހާރުގެ އެންމެ ބޮޑު ގޮންޖެހުމަކީ އިދާރާތަކުގެ ސިސްޓަމްތައް އެއްވެސް ގުޅުމެއްނެތި ހުރުން ކަމަށް ޑރ. ކިނާނަތު ފާހަގަކުރެއްވިއެވެ. ނަމަވެސް މައުލޫމާތު ބަދަލުކުރެވެން ފެށުމުން ޚިދުމަތްތައް އަވަސްވެ، ޑޭޓާގެ މައްޗަށް ބިނާކޮށް ނިންމުންތައް ނިންމުމުގެ މުހިންމުކަން އެބައޮތެވެ.
ރާއްޖޭގައި ފަންނިއްޔާތާ ގުޅުންހުރި ގިނަ ޤާނޫނުތަކެއް ހަދަންޖެހޭކަން ފާހަގަކުރައްވައި ޑރ. ކިނާނަތު ވިދާޅުވީ، ސައިބަރ ސެކިއުރިޓީއާއި ޑޭޓާ ޕްރޮޓެކްޝަން ޤާނޫނުގެ ޑްރާފްޓް އެޓަރނީ ޖެނެރަލްގެ އޮފީހަށް ފޮނުވާފައިވާ ކަމަށެވެ. އަދި ޑިޖިޓަލް އައިޑީގެ ޤާނޫނަކާއި މޯލްޑިވްސް 2.0ގެ ޤާނޫނެއްގެ އިތުރުން އާޓިފިޝަލް އިންޓަލެޖެންސްއާ ބެހޭ ޤާނޫނެއްވެސް ހެދުމުގެ މަސައްކަތް ކުރިއަށްދާ ކަމަށެވެ. މިއަހަރުގެ މެއި މަހު ރައީސުލްޖުމްހޫރިއްޔާ އިފްތިތާޙްކުރެއްވި ތިން އަހަރުގެ “މޯލްޑިވްސް 2.0” މަޝްރޫޢުގެ ދަށުން، ސަރުކާރުން މިހާރަށްވުރެ “ސްމާޓް”ކޮށް، ހަލުވި ޚިދުމަތް ދިނުމަށާއި ކޮރަޕްޝަން ނައްތާލައި، ދެފުށް ފެންނަގޮތަށް ޓެކްނޮލޮޖީގެ އެހީގައި ހިންގުން ބަދަލުކުރުމަށް މަގުފަހިވާނެކަމަށް ސަރުކާރުން ވިދާޅުވެއެވެ.
Happy
0 %
Sad
0 %
Excited
100 %
Sleepy
0 %
Angry
0 %
Surprise
0 %
0
0